आफूलाई भ्रष्टाचारविरोधी अभियन्ता दावी गर्दै देशव्यापी अभियानमा रहेका ज्ञानेन्द्र शाहीमाथि कुटपिट भएको छ । चितवनमा आयोजना गरिएको एक कार्यक्रममा गएका शाहीमाथि कुटपिट भएको हो ।

शाही ‘नेपालका लागि नेपाली’ अभियानमा सक्रिए छन । उनले पछिल्लो समय सरकारका विभिन्न तहमा भ्रष्टाचार र बेरुजुहरु रहेको भन्दै त्यसलाई विशेषत: सामाजिक संजाल मार्फत आक्रामक अभिव्यक्ति दिंदै खबरदारी गर्दै आएका छन् । पछिल्लो समय उनी नेकपाका युवा नेता रहेका सस्कृती पर्यटन तथा नागरीक उड्डयन मन्त्री योगेस भट्टराइलाई जहाजमा दुर्ब्यवार गरेर चर्चामा आएका व्यक्ति हुन् ।

स्थानीय संचारमाध्यमका अनुसार शनिवार भरतपुरस्थित चोबिसकोकोटीमा नेपालका लागि नेपालीले आयोजना गरेको कार्यक्रम बिथोल्न अज्ञात समूहले उनीमाथि आक्रमण गरेको हो । अज्ञात समूहले ‘राजावादीलाई कार्यक्रम गर्न दिँदैनौं’ भन्दै नारावाजी समेत गरेका थिए ।

चौबिसकोटीस्थित एक होटलबाट निस्किएर कार्यक्रमस्थल आउदै गर्दा उनीमाथि कुटपिट भएको हो ।उनी सवार गाडीमा समेत तोडफोड गरिएको बताइएको छ । शाहीमाथि कुटपिट हुँदै गर्दा प्रहरी आएर उनको उद्धार गरेको थियो ।

शाही उपचारका लागि काठमाडौ आएका छन् ।