News Portal

  • अन्तरधार्मिक विषयलाई तोडमरोड नगरी गहिरिएर लेख्नुपर्नेमा जोड

    भक्तपुर, २२ कात्तिक
    १३९२ पटक
    भक्तपुर, २२ कात्तिक

    अन्तरधार्मिक शान्ति महासंघ नेपाल (आइपीएफएन)द्वारा आयोजित अन्तरक्रियामा धार्मिक संस्थाहरु र मिडियाबीच संवाद, साझेदारी र सहकार्य हुनुपर्नेमा जोड दिइएको छ । राजधानीमा शुक्रवार आयोजित अन्तरक्रिया कार्यक्रममा धार्मिक संस्थाहरु र मिडियाबीच संवाद, साझेदारी र सहकार्य हुनुपर्नेमा जोड दिइएको हो ।

    धार्मिक संस्थाहरु र मिडियाबीच ज्ञाप हुँदा आउनुपर्ने समाचार नआइरहेको भन्दै बक्ताहरुले आपसी संवाद, साझेदारी र सहकार्यले धार्मिक संस्थालाई एकांकी हुनबाट र मिडियालाई गैरजिम्मेवार हुनबाट रोक्ने निष्कर्ष निकालिएको थियो ।

    उक्त ‘अन्तरधार्मिक संवाद र मिडियाको भूमिका’ विषयक अन्तरक्रिया कार्यक्रममा बोल्दै विभिन्न वक्ताहरुले सामाजिक शान्तिका लागि धार्मिक संस्थाहरुबीचको सहकार्यमा जोड दिएका हुन् । साथै वक्ताहरुले सामाजिक संवादलाई जीवन्त बनाउन मिडियाले ठूलो भूमिका खेल्नेमा जोड दिँदै मिडियाले यी विषयलाई महत्व दिनुपर्ने बताए । कार्यक्रममा नेपाल पत्रकार महासंघका प्रतिनिधिहरुसहित ३० जनाभन्दा बढी विभिन्न रेडियो, टेलिभिजन, पत्रिका र अनलाइनमा आवद्ध पत्रकारहरुको उपस्थिति रहेको थियो । त्यसैगरी हिन्दु, किरात, मुस्लिम, क्रिस्टियन, बुद्धिस्ट, बहाई धर्मका अगुवाहरुको पनि उपस्थिति रहेको थियो ।

    नेपालमा इन्टरफेथमा काम गर्ने विभिन्न संस्थाहरुले हालै बनाएको महासंघले विभिन्न मिडिया सञ्चारकर्मी तथा पत्रकारहरुसँग संवाद कार्यक्रमको आयोजना गरेको हो । कार्यक्रमममा बोल्दै अन्तरधार्मिक शान्ति महासंघ नेपालका अध्यक्ष रामभक्त कुरुम्वाङ लिम्बुले मिडियाबाट जाने सन्देशले समाजमा ठूलो असर र प्रभाव पर्ने भएकोले अन्तरधार्मिक विषयलाई गहिरिएर लेख्न आग्रह गरे । उनले सबैको उद्देश्य समाजमा शान्ति कायम गर्नेतिर भएको भन्दै मिडियाले यो भावनालाई तोड्नेतिर नभई जोड्नेतिर भूमिका निर्वाह गर्नुपर्ने बताए ।

    कार्यक्रममा इन्टरफेथका क्षेत्रमा लामो समयदेखि काम गर्दै आएका नरेन्द्र पाण्डेले कार्यपत्र प्रस्तुत गरेका थिए । उनले इन्टरफेथ डायलगका बारेमा प्रस्ट पार्दै मिडियाले खेल्नुपर्ने भूमिकाका बारेमा चर्चा गरे । उनले आफ्नो कार्यपत्रमा नेपाली मिडियाको अहिलेसम्मको भूमिकालाई केलाउनुका साथै कमिकमजोरीहरुमाथि पनि चर्चा गरे । उनले मिडियाले सत्यको तोडमरोड गर्न नहुने, अर्काको आस्थामाथि चोट पु¥याउन नहुने र सबैले मानव हितका लागि सोच्नुपर्नेमा जोड दिए ।

    युनाइटेड मिशन टु नेपालको सहयोगमा आइपीएफएनले आगामी दिनमा यो संवादलाई व्यापक बनाउँदै लैजाने बताएको छ । कार्यक्रममा उपस्थित विभिन्न मिडियाकर्मीहरुले पनि आआफ्ना बुझाई प्रस्तुत गर्नुका साथै आयोजकलाई आफ्ना सुझाव र जिज्ञासा राखेका थिए ।

    प्रतिकृया दिनुहोस्

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...