भक्तपुर, २८ कात्तिक
भक्तपुर, २८ कात्तिक चाँगुनारायणको दुवाकोटका एक २३ वर्षिय युवक मृत फेला परेका छन् । ३ दिनदेखि घरबाट हराइरहेका उनी मृत फेला परेका हुन् ।
महानगरीय प्रहरी परिसर भक्तपुरले जनाए अनुसार उनको शव मंगलवार साँझ कमलविनायकस्थित एक पोखरीमा फेला परेको थियो । परिवारले बुधवार शव बुझेको थियो । पोस्ट मार्टम पछि उनलाई अन्तिम सस्कारको लागि विहीवार आर्यघाट पुर्याइएको छ ।
परिवारका एक्ला छोरा उनी कम्प्युटर इञ्जिनियरिङ्गका विद्यार्थी समेत थिए । घरमा मोबाइल किन्ने विषयमा असन्तुष्ट हुँदा उनी घर छोडेर बाहिरिएका बताइएको छ । पारिवारिक श्रोतका अनुसार २०-२२ हजारको मोबाइल नकिन्दिए कलेज नै नजाने भन्दै उनी घर छोडेर हिंडेका थिए । एक्लो छोराको निधनले परिवार शोकमा डुबेको छ । परिवार शोकमा रहेको कारण परिचय गोप्य राखिएको छ । घटनाको थप अनुसन्धान भैरहेको प्रहरीको भनाइ छ ।