News Portal

  • पालुङटारका मेयर कँडेलको नमूना काम : बच्चालाई १ हजारसहित नि:शुल्क बैंक खाता

    गोरखा, १८ मङ्सिर
    ३१० पटक
    गोरखा, १८ मङ्सिर

    गोरखाको पालुङटार नगरपालिकाले स्वास्थ्य संस्था वा बर्थिङ्ग सेन्टरमा जन्मने बच्चाहरुको लागि १ हजार रुपियाँ राखेर निशुल्क बैंक खाता खोल्ने कार्यक्रमको शुभारम्भ गरेको छ ।

    बुधवार एक विशेष कार्यक्रमका बीच इन्जिनियरसमेत रहेका नगर प्रमुख दीपकबाबु कडेलले उक्त कार्यक्रमको शुभारम्भ गरेका हुन् । उनले वडा नम्बर ६ का बालक आरोग्य मणि बिश्वकर्माको बैंक खाता खोल्दै नगरपालिकाको महत्वपूर्ण कायक्रम मानिएको नाबालकहरुको खाता खोल्ने कार्यक्रम शुभारम्भ गरेका हुन् ।

    पालुङटार नगरपालिकाको पाचौं नगर सभा २०७६ बाट पारित भएका नीति तथा कार्यक्रमहरु अन्तर्गत स्वास्थ्य संस्था वा बर्थिङ्ग सेन्टरमा जन्मने बच्चाहरुको बैंक खाता खोलिदिने कार्य शुरु भएको नगर प्रमुख कडेलले बताएका छन् । यस आर्थिक वर्षको शुरुको दिन अर्थात गत साउन १ देखि जन्मेका बच्चाहरुको खाता खोल्दा नगरपालिकाले एक हजार रुपैयाँ बैक दाखिला गरिदिने उनको भनाइ छ ।

    नगरपालिकाको यस योजनाले बच्चा र अभिभावकमा बचत गर्ने बानीको बिकास हुनुका साथै स्थानीय जनसमुदाय बैंकिंग प्रणालीमा जोडिने समेत नगर प्रमुख कडेलले बिस्वास व्यक्त गरे । यसले निम्न आयश्रोत भएका आमाहरुलाई स्वास्थ्य संस्थामा गएर बच्चा जन्माउन प्रेरित गर्ने समेत उनको तर्क छ ।

    प्रभु बैंक संग सहकार्य भएकोले उक्त बैंकले निशुल्क खाता खोलिदिने  र त्यसमा नगरपालिकाले १ हजार राखिदिने जानकारी गराउदै प्रमुख कडेलले भक्तपुर पोस्ट संग भने, ”हेर्दा सानो रकम देखिएपनि यसले सम्पूर्ण नगरबासीलाई बैंकिंग प्रणालीमा जोड्न ठूलो मद्दत मिल्नेछ ।”

    स्थानीयहरुको उत्साहजनक उपस्थिति रहेको उक्त खाता खोल्ने कार्यक्रमको अध्यक्षता नगरपालिकाका लेखा अधिकृत सुमन शर्माले गरेका थिए । उक्त अवसरमा नगरपालिकाका स्वास्थ्य शाखाका दिपेन्द्र गिरी, प्रभु बैंकका सूर्य न्यौपाने लगायतले यसको महत्वबारे थप प्रकाश पारेका थिए भने खाता खोलिएका नाबालकका अभिभावक दंग देखिएका थिए ।

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...