News Portal

  • ठूलो रकम लिएर विद्यार्थी पास गराउने धन्दा चलाउने त्रिविका ४ कर्मचारीविरुद्ध मुद्दा दायर

    भक्तपुर, २३ मङ्सिर
    ४८१ पटक
    भक्तपुर, २३ मङ्सिर

    अख्तियार दुरुपयोग अनुसन्धान आयोगले त्रिभुवन विश्वविद्यालयको परीक्षा नियन्त्रण कार्यालयका लेखा अधिकृतसहित ४ जनाविरुद्ध भ्रष्टाचार मुद्दा दायर गरेको छ ।

    परीक्षार्थीहरुसँग रकम लिइ उत्तर पुस्तिका साटफेर गरेर उत्तिर्ण गराएको अभियोगमा परीक्षा नियन्त्रण कार्यालय (पनिका) बल्खुका लेखा अधिकृत कमलप्रसाद दाहालसहित ४ जनाविरुद्ध भ्रष्टाचार मुद्दा दायर भएको हो ।

    परीक्षा नियन्त्रण कार्यालय बल्खुका लेखा अधिकृत कमलप्रसाद दाहालसहित परीक्षार्थीहरुबाट रकम लिएर परीक्षामा उत्तिर्ण गराएको भन्ने विषयमा परेको उजुरीमाथिको छानबिनपछि अख्तियारले ४ जनाविरुद्ध विशेष अदालतमा मुद्दा दायर गरेको हो ।

    अख्तियारले गरेको छानबिनका क्रममा लेखा अधिकृत दाहालले त्रियुगा जनता क्याम्पसको गाइघाटका प्रशासन सहायक पदमा कार्यरत तेजनारायण चौधरी, सोही क्याम्पसका परीक्षार्थी जानुका आलेमगर र बरुवा क्याम्पस गाईघाटका हिरा कुटवालसँगको मिलेमतोमा विद्यार्थीहरुसँग रकम लिएर उत्तर पुस्तिका साटफेर गरेको भेटिएको हो ।

    अख्तियारका अनुसार त्रियुगा जनता क्याम्पसको गाइघाटका प्रशासन सहायक पदमा कार्यरत चौधरीले आफू कार्यरत काम्पसकै परीक्षार्थी जानुका र बरुवा क्याम्पसकी परीक्षार्थी हिरालाई परीक्षा केन्द्र बाहिर अर्को उत्तर पुस्तिकामा उत्तर लेख्न लगाइ लेखा अधिकृत दाहालमार्फत बाहिर उत्तर लेखिएको उत्तर पुस्तिका साटफेर गर्न लगाएका थिए ।

    अख्तियारले परीक्षार्थीसँग रकम लिएर प्रश्नपत्र साटफेर गर्ने पनिकाका लेखा अधिकृत दाहाल र त्रियुगा जनता क्याम्पसको गाइघाटका प्रशासन सहायक चौधरीविरुद्ध जनही ५ हजार रुपैयाँ जरिवाना र १ वर्ष कैद सजायको मागदाबी गरेको छ । त्रियुगा जनता क्याम्पसको गाइघाटका प्रशासन सहायक चौधरीविरुद्ध मतियार बनेको अभियोगमा थप ६ महिना कैद सजाय मागदाबी गरिएको छ ।

    यस्तै, पैसा दिएर आफ्नो उत्तर पुस्तिका साटफेर गर्न लगाउन परीक्षार्थीद्वय जानुका र हिराविरुद्ध भ्रष्टाचार निवारण ऐन, २०५९ को दफा १३ बमोजिम २ हजार ५ रुपैयाँ जरिवाना र ६ वर्षसम्म कैद सजाय मागदाबी गरिएको अख्तियारले जनाएको छ ।

    प्रतिकृया दिनुहोस्

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...

    सिनामंगलस्थित सेन्ट्रल कलेजमा विद्यार्थीका लागि विशेष कार्यक्रम

     सिनामंगलस्थित सेन्ट्रल कलेजमा नयाँ भर्ना भएका विद्यार्थीका लागि स्वागत कार्यक्रम सम्पन्न भएको छ । स्नातक...

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...