News Portal

  • दुर्घटना अपडेट : मृतकको संख्या १५ पुग्यो, केएमसीमा गुम्यो चिनुको ज्यान

    इभक्तपुर संवाददाताभक्तपुर, २९ मङ्सिर
    ८७५ पटक
    भक्तपुर, २९ मङ्सिर

    दोलखाको कालिञ्चोक भगवतीको दर्शन गरी भक्तपुर फर्कदै गरेको यात्रुबाहक बस दुर्घटनामा मृत्यु हुनेको संख्या १५ पुगेको छ । आइतवार विहान सिन्धुपाल्चोकको ६ किलो भन्ने ठाउँमा दुर्घटना हुँदा बसमा सवार १४ यात्रुको मृत्यु भएको थियो भने १८ घाइते भएका थिए ।

    जिल्ला प्रहरी कार्यालय सिन्धुपाल्चोकका प्रहरी प्रमुख एसपी प्रज्वल महर्जनले भक्तपुर पोस्टलाइ बताए अनुसार गम्भीर घाइते भै ४ जनालाई काठमाडौस्थित केएमसी अस्पातालमा उपचारको लागि पुर्याइएकोमा एकको उपचारकै क्रममा ज्यान गएको हो । ज्यान जानेमा सूर्यविनायकको ३२ वर्षीया चिनु बस्नेत रहेको बताइएको छ ।

    एसपी महर्जनले जनाए अनुसार मृतकमध्ये सबैभन्दा बढी महिला रहेका छन् भने ३ बालबालिकाले पनि ज्यान गुमाएका छन् । ९ महिला, ३ पुरुष, १ बालक र २ बालिका गरी १५ यात्रुको ज्यान गएको प्रहरीले पुष्टी गरेको छ । जसमध्ये १२ जनाको घटनास्थलमै र २ को अस्पताल लैजादै गर्दा बाटोमै ज्यान गएको थियो ।

    घाइतेमध्ये ३ को अवस्था गम्भीर रहेको छ । उनीहरुलाई केएमसी अस्पतालमा ल्याइएको छ भने बाँकी घाइतेको स्थानीय सिन्धु अस्पतालमा उपचार भैरहेको बताइएको छ । एसपी महर्जनका अनुसार मृतकको शनाखत हुँदैछ । यतिबेला मृतकका आफन्त सिन्धुपाल्चोक आइपुगेका छन् र शवको शनाखत भैरहेको छ । साझ ६ बजे सम्ममा शनाखत भैसक्ने प्रहरीको अनुमान रहेको छ ।

    भक्तपुरको सूर्यविनायक र जगातीको बीचामा पर्ने आदर्श चोकबाट बा २ ख ४४६८ नम्बरको यात्रुबाहक बस रिजर्भमा यात्रु बोकेर कालिञ्चोक गएको थियो । आइतवार फर्कने क्रममा बिहान अन्दाजी ८ः१५ बजे ६ किलो भन्ने ठाउँमा बस दुर्घटनामा परेको हो । बसका चालक फरार भएकाले पनि यात्रु विवरण प्राप्त गर्न प्रहरीलाई मुस्किल परेको बताइएको छ । प्रहरीले चालकको नाम सार्वजनिक गरेको छैन ।

    भक्तपुर पोस्टको फेसबुक पेज लाइक गरी फेसबुकमै समाचार प्राप्त गर्नुस्

    प्रतिकृया दिनुहोस्

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...

    सिनामंगलस्थित सेन्ट्रल कलेजमा विद्यार्थीका लागि विशेष कार्यक्रम

     सिनामंगलस्थित सेन्ट्रल कलेजमा नयाँ भर्ना भएका विद्यार्थीका लागि स्वागत कार्यक्रम सम्पन्न भएको छ । स्नातक...

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...