भक्तपुर, १० पुस
भक्तपुर, १० पुस नेपाल सरकारका पूर्वसचिव शान्तबहादुर श्रेष्ठको निधन भएको छ । श्रेष्ठको बिहीबार बिहान त्रिवि शिक्षण अस्पतालमा निधन भएको हो ।
निमोनिया भएपछि उनलाई उपचारका लागि बुधबार अस्पताल लगिएको थियो । उपचारका क्रममा बिहीबार उनको निधन भएको पारिवारिक श्रोतले बतायो ।
पाल्पाको रामकोटमा जन्मिएका पूर्वसचिव श्रेष्ठ भक्तपुरको सूर्यविनायक ३ मा बस्दै आएका थिए । विस ०४९ सालमा शाखा अधिकृतबाट निजामती सेवा प्रवेश गरेका श्रेष्ठले शिक्षा, अर्थ लगायत विभिन्न मन्त्रालयमा सचिवको जिम्मेवारी सम्हालेका थिए । पैसठ्ठी वर्षको उमेरमा उनको निधन भएको हो ।
सचिवबाट रिटायर्ड भएपछि उनी बिभिन्न सामाजिक अभियानमा जोडिएर अभियन्ताको रुपमा क्रियाशील रहेका थिए ।