News Portal

  • चीनबाट फर्केका नेपालीलाई खरिपाटीस्थित तालीम केन्द्रमा राख्ने तयारी, स्थानीय त्रसित

    भक्तपुरपोष्ट संवाददाता२२ माघ २०७६
    ४४० पटक
    २२ माघ २०७६

    काठमाडौँ । सरकारले चीनबाट फर्किने नेपालीहरूलाई भक्तपुरको खरिपाटीस्थित नेपाल विद्युत् प्राधिकरणको तालिम केन्द्रमा राख्ने तयारी गरेपछि स्थानीयहरु त्रसित बनेका छन् ।

    मङ्गलवार सिंहदरबारस्थित प्रधानमन्त्री तथा मन्त्रिपरिषद्को कार्यालयमा बसेको सुरक्षा निकायका प्रमुखहरूको बैठकले खरिपाटीलाई सम्भावित स्थलका रूपमा छनोट गरेको हो । अन्तिम निर्णय गर्न भने बाँकी रहेको स्रोतले जनाएको छ ।

    बैठकले तालिम केन्द्रको पूर्वाधार र अन्य वस्तुस्थितिबारे निरीक्षण गरेर अन्तिम टुङ्गो लगाउने निर्णय गरेको स्रोतको दाबी छ । स्वास्थ्य र भौतिक पूर्वाधार मन्त्रालयका अधिकारीले निरीक्षण गरेपछि यसको अन्तिम निर्णय गरिने जनाइएको छ ।

    कोरोना भाइरसको सङ्क्रमण फैलिएको चीनको हुबेइ प्रान्तमा रहेका १ सय ८० विद्यार्थीलाई नेपाल फर्काउने तयारी पुरा भइसकेको त्यहाँस्थित नेपाली राजदूतावासले जनाएको छ ।

    उता, चीनबाट फर्किने नेपालीहरूलाई भक्तपुरको खरिपाटीस्थित नेपाल विद्युत् प्राधिकरणको तालिम केन्द्रमा राख्ने तयारी गरेपछि स्थानीय बासिन्दा भने त्रसित बनेका छन् । यसले कोरोना भाइरसको संक्रमण फैलिन सक्ने भन्दै उनीहरुले चिन्ता जाहेर गरेका हुन् ।चीनबाट फर्केका नेपालीलाई भक्तपुर मानै किन राख्नुपर्ने, अन्य सुरक्षित स्थानमा राख्दा हुँदैन, एक स्थानीयले भने ।

    चीनबाट नेपाली विद्यार्थीहरुलाई उद्धारलगत्तै विमानस्थलको प्रवेश बिन्दुदेखि सम्भावित जोखिमको पहिचान गर्दै एकान्तमा राखिने छ। हुवेइ प्रान्तमा झन्डै २ सय नेपाली विद्यार्थी छन्।

    टेकुस्थित शुक्रराज ट्रपिकल अस्पताल, छाउनीस्थित नेपाल आर्मी अस्पताल, नेपाल प्रहरीको अस्पताल र भक्तपुर खरिपाटीस्थित विद्युत् प्राधिकरणको तालिम केन्द्रमा राख्ने तयरी भइरहेको बुझिएको छ ।दूतावास उपनियोग प्रमुख सुशील लम्सालकका अनुसार शनिबारसम्म हुबेई प्रान्तका ११ विश्वविद्यालयका १ सय ८८ जना नेपाली सम्पर्कमा आइसकेका छन् ।

    प्रतिकृया दिनुहोस्

    देशभरका सबै वडा कमिटी गठन गर्न माओवादी केन्द्रको निर्देशन

    नेकपा माओवादी केन्द्रको केन्द्रीय समिति बैठकले आज दुई निर्णय गरेको छ । आइतबार पार्टी केन्द्रीय...

    त्रिविमा आंशिक शिक्षकको तालाबन्दी

    त्रिभुवन विश्वविद्यालय (त्रिवि) मा आंशिक शिक्षकले विभिन्न माग राख्दै एक सातादेखि तालाबन्दी गरेका छन् ।...

    सभामुखको पहलपछि सरकारी तलब भत्ता सरकारी बैंकबाट

    अब सांसदले तलबभत्ता सरकारी बैंकबाट पाउने भएका छन् । संसद सचिवालयले केही महिनायता पहल गरेर...

    नर्वे सेनामा नेपाली युवाको प्रवेश

    नेपालका ८ युवा नर्वे सेनामा भर्ती भएका छन् । नर्वे सेनामा नेपाली युवाको प्रवेश यो...

    पत्रकार मोहन बल्ललाई मातृशोक

    नेपाल पत्रकार महासंघ, भक्तपुरका निवर्तमान कोषाध्यक्ष एवं श्रमजिवी पत्रकार मोहन बल्ललाई मातृशोक परेको छ ।...