News Portal

  • काभ्रे ५२औं साक्षर जिल्ला घोषित : शिक्षा व्यवहारिक बनाइने मन्त्रीको दावी

    भक्तपुरपोस्ट संवाददाता भक्तपुर, ७ फागुन
    ३९७ पटक
    भक्तपुर, ७ फागुन

    शिक्षा, विज्ञान तथा प्रविधिमन्त्री गिरिराजमणि पोखरेलले व्यवहारमा प्रयोग गर्न नसकिने शिक्षाको अर्थ नहुने बताएका छन् । शिक्षालाई व्यवहारिक बनाउनुपर्ने आवश्यकता औल्याउदै उनले यसका लागि रणनीतिक ढंगले अगाडी बढ्नुपर्ने बताएका हुन् ।

    बुधवार काभ्रेपलाञ्चोक जिल्लालाई साक्षर जिल्ला घोषणा गर्दै मन्त्री पोखरेलले सरकारले लिएको ‘समृद्ध नेपाल, सुखी नेपाली’को लक्ष साकार पार्न शिक्षाबाट मात्रै सम्भव भएको जिकिर गरे । दक्ष जनशक्ति उत्पादन गरेर मात्रै मुलुक समृद्ध हुने उनको भनाइ छ । निरक्षरलाई साक्षर बनाउँदै अबको पुस्तालाई कम्प्युटर तथा विज्ञान र प्रविधिसंग पनि जोडेर लैंजानुपर्नेमा उनले जोड दिए ।

    ‘शिक्षालाई श्रमसंग, श्रमलाई सीपसंग र सीपलाई उत्पादन र रोजगारीसंग जोडेर मात्रै समृद्ध नेपाल सम्भव छ ।’ मन्त्री पोखरेलले भने । प्राविधिक शिक्षा र व्यवसायिक शिक्षालाई व्यापक रुपमा विस्तार गर्दै ‘स्कील फर अल’ को नीतिमा सरकार अघि बढिरेको जानकारी गराउदै उनले शिक्षा पूर्वाधारको पनि पूर्वाधार भएकाले सबै स्थानीय सरकारले शिक्षाको बिकासलाई मूख्य प्राथमिकतामा राख्नुपर्ने प्रष्ट पारे ।

    उक्त अवसरमा प्रदेश सभा सदस्य लक्ष्मण लम्सालले शिक्षाको विकासको लागि स्थानीय तह, प्रदेश र संघीय सरकारबीचमा समन्वय र सहकार्यमा जोड दिएका थिए ।

    राष्ट्रिय जनगणना २०६८ अनुसार १५ बर्षदेखि ६० बर्ष उमेर समूहका ३ लाख ७३ हजार ७२८ जनसंख्यामध्ये आर्थिक बर्ष २०७६्०७७ सम्ममा ३ लाख ६० हजार ५६० जनसंख्या साक्षर भएको जिल्ला समन्वय समिति काभ्रेपलाञ्चोकले जनाएको छ । सो घोषणासंगै काभ्रेपलाञ्चोक देशको ५२औं साक्षर जिल्ला घोषित भएको हो ।

    प्रतिकृया दिनुहोस्

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...

    बिजुक्छेसंग उत्तर कोरियाली राजदुतले खोले आन्तरिक कुरा

    नेपालका लागि प्रजातान्त्रिक जनगणतन्त्र कोरियाका राजदूत जो योङ मानले आफ्नो देशको आणविक शक्तिबारे अवगत गराएका...