जनकपुरधाम । घरेलु विषाक्त मदिरा सेवनबाट धनुषामा ५ जनाको मृत्यु भएको छ । क्षीरेश्‍वरनाथ नगरपालिकाको रमदैयामा घरेलु मदिरा सेवन गर्ने ५ जनाको मृत्यु भएको हो ।

जिल्ला प्रहरी कार्यालय धनुषाका प्रहरी निरीक्षक रमेशकुमार बस्नेतले आफूहरुलाई मृत्यु भएको खबर आए पनि पुष्टि नभएको बताए। मदिरा सेवन गरेका अन्य २ जनाको अवस्था चिन्ताजनक रहेको छ।

मदिरा सेवनले गुदरी महरा, ब्रम्हदेव यादव, रामनरायण महरा र रामविलास महराको मृत्यु भएको हो । मृतकमध्ये एक जनाको नाम खुल्न सकेको छैन ।

मदिरा सेवन गरेका रमदैयाका शत्रुधन मण्डल र रामइश्वर महराको अवस्था चिन्ताजनक छ। दुवै जनाको जानकी मेडिकल शिक्षण अस्पताल जनकपुरमा उपचार भइरहेको छ।