News Portal

  • कपिलवस्तुका तीन पालिकाको पाँच क्वारेन्टाइनमा इन्टरनेट

    सीताराम चौधरी/कपिलवस्तु२४ चैत २०७६
    ३२९ पटक
    २४ चैत २०७६

    कपिलवस्तु जिल्लाको ५ क्वारेन्टाइनमा निःशूल्क इन्टरनेट जडान गरिएको छ । जिल्लाको शिवराज नगरपालिकामा १ स्थान, कपिलवस्तु नगरपालिकामा ३ स्थान र मायादेवी गाउँपालिकामा १ स्थानमा इन्टरनेट जडान गरिएको बताइएको छ ।

    जिल्लाको शिवराज–३, देउराली रिसोर्ट (छालाफेक्ट्री), कपिलवस्तु नगरपालिकास्थित रत्नराज्य मावि, बुद्धपद्म मावि र महेन्द्र आधारभूत विद्यालय र मायादेवी गाउँपालिका १ स्थित छत्रपाली तिर्थादेवी माविमा राखिएको क्वारेन्टाइनमा इन्टरनेट जडान गरी प्रविधिमैत्री बनाइएको कम्प्युटर एशोशियसन नेपाल महासंघ (क्यान) कपिलवस्तुका अध्यक्ष सन्दीप कुमार श्रीवास्तवले जानकारी दिए । जिल्लाको शिवराजमा क्यान कपिलवस्तु र जे.बि.एम. केबल स्पेस नेट्वोर्क चन्द्रौटाको प्राविधिक सहयोगमा निःशुल्क इन्टरनेट जडान गरिएको छ भने अन्य चार स्थानमा क्यान कपिलवस्तु र तौलिहवास्थित मार्स कम्प्युटरको प्राविधिक सहयोग रहेको श्रीवास्तवले बताए । जडान गरिएको इन्टरनेट तीन एमबीपीएस क्षमताको रहेको र क्वारेन्टाइन सञ्चालन अवधिसम्म निःशूल्क इन्टरनेट सेवा प्रवाह गरिने मार्स कम्प्युटरका सञ्चालक समेत रहेका श्रीवास्तवले जानकारी दिए ।

    यता विश्वभर महामारीको रुपमा फैलिएको कोभिड–१९ जस्तो बिपद्को घडीमा सामाजिक उत्तरदायित्व अनुसार मानव जीवनलाई सूचना प्रविधिसँग जोड्ने प्रयासमा जुटेको क्यान महासंघ प्रदेश ५ का कोषाध्यक्ष माधवराज घिमिरेले बताए । क्यान महासंघ कपिलवस्तुका पूर्वअध्यक्ष समेत रहेका घिमिरेले क्यान कपिलवस्तु बेला बेलामा सूचना प्रविधिमा काम गर्दै आइरहेको समेत उद्घोष गरे । विपत्तीको बेला क्यारेन्टाइनमा बस्नेलाई आफूहरुको सानो सहयोगले ठूलो राहत पुग्ने घिमिरेले विश्वास व्यक्त गरे । इन्टरनेटको पहँुचमा नरहेका अन्य पालिकाका क्वारेन्टाइनमा समेत निःशूल्क इन्टरनेट सेवा प्रवाह गर्न क्यान महासंघ तत्पर रहेको उनले प्रतिबद्धता जाहेर गरे ।

    प्रतिकृया दिनुहोस्

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...

    बिजुक्छेसंग उत्तर कोरियाली राजदुतले खोले आन्तरिक कुरा

    नेपालका लागि प्रजातान्त्रिक जनगणतन्त्र कोरियाका राजदूत जो योङ मानले आफ्नो देशको आणविक शक्तिबारे अवगत गराएका...