News Portal

  • लकडाउनको विकल्प खोज्न माग गर्दै व्यवसायीद्वारा ध्यानाकर्षण पत्र

    सीताराम चौधरी/कपिलवस्तु२२ भाद्र २०७७
    ५१६ पटक
    २२ भाद्र २०७७

    कपिलवस्तु । कोभिड–१९ का कारण लामो समयदेखि मार खेप्न बाध्य व्यवसायीले लकडाउनको विकल्प खोजिनुपर्ने माग गरेका छन् ।

    लकडाउनले व्यापार व्यवसाय चौपट हुँदा शिवराज नगरपालिकाका व्यापारी व्यवसायीले संयुक्त अपिल गर्दै लकडाउनको विकल्प खोज्न माग गरेका हुन् । जिल्ला प्रशासन कार्यालयले भदौ २२ गतेसम्म जिल्ला लकडाउन गरेको छ । भदौ २२ पछि यसको विकल्प खोजिनुपर्ने माग राख्दै शिवराजका व्यापारी व्यवसायीले नगरपालिका र इलाका प्रशासन कार्यालयमार्फत जिल्ला प्रशासनलाई ध्यानाकर्षण पत्र बुझाएका हुन् ।

    नगरका ५३ जना व्यवसायीहरुले कोभिड–१९ (कोरोना) का कारण पछिल्लो पटक जिल्ला प्रशासन कार्यालय कपिलवस्तुले लगातार जारी गर्दै आइरहेको लकडाउनको अब विकल्प खोज्नुपर्ने माग राख्दै हस्ताक्षर गरेका छन् । व्यवसायीहरुले विश्वभरि फैलिएको कोरोना भाइरसका कारण नेपाल पनि उच्च जोखिममा रहेको अवस्था हँुदाहँुदै पनि यसको असरका कारण लम्बिएको लकडाउनले उद्योग व्यवसाय क्षेत्र दिनानुदिन नाजुक र गम्भीर अवस्था बन्दै गएको बताएका छन् । लगातार लकडाउन बढ्दै जाँदा आर्थिक गतिविधि ठप्प भई चरम अभाव भोक र व्यवसायिक तनाव बढ्दै गइरहेको अपिलमा उल्लेख छ । स्वास्थ्य सेवाको स्तरोन्नति, परीक्षणको दायरा बृद्धि र पूर्वाधार विकासको सट्टा लकडाउनलाई मात्रै निर्विकल्प ठानेर लकडाउनले समस्या समाधान नहुने भएकाले यसको विकल्प खोज्नुपर्ने व्यवसायीहरुले माग गरेका छन् ।

    व्यवसायीहरुको अगुवाई गर्दै युवा व्यवसायीहरु सरोज पौडेल, गणेश जिसी, बिजय सापकोटासहितको टोलीले नगरप्रमुख नेत्रराज अधिकारी र उपप्रमुख शिवकुमारी थारुलाई संयुक्त अपिल बुझाएका थिए । अपिलमार्फत व्यवसायीले विश्व स्वास्थ्य संगठनको स्वास्थ्य मापदण्ड पालना गर्दै व्यापार व्यवसाय संचालन गर्नुपर्ने माग गरेका छन् । लकडाउनको विकल्प नखोजिए व्यवसायीहरु पलायन हुने अवस्था आउने युवा व्यवसायी सरोज पौडेलले गुनासो गरे । भाद्र २२ गतेपछि पनि विकल्प नखोजिए लकडाउनलाई नै निरन्तरता दिए भाद्र २३ गतेबाट व्यवसायीहरुले स्वतःस्फूर्त स्वास्थ्य मापदण्ड पालना गर्दै व्यवसाय संचालन गर्ने समेत उनले चेतावनी दिए ।

    लकडाउनले सबै समस्या समाधान नभएको र व्यवसायीहरुलाई यसले नराम्रो असर पारेकोले यसको विकल्प खोज्नुपर्ने पक्षमा आफू समेत रहेको नगरप्रमुख नेत्रराज अधिकारीले आश्वासन दिए । व्यवसायीको मागलाई जिल्ला प्रशासनमा हुने छलफलमा आफूले उठाउने र त्यसपछि जे निर्णय हुन्छ सोही अनुसार अगाडि बढ्ने अधिकारीले बताए ।

    प्रतिकृया दिनुहोस्

    नेपाल मजदुर किसान पार्टीका सांसद प्रेम सुवालले नागरिकता विधेयक पास गर्नु राष्ट्रघाती काम हुने बताएका...

    नागरिकता विधेयकबारे संसदमा चर्काचर्की

    राष्ट्रपति विद्यादेवी भण्डारीले फिर्ता पठाएको नागरिकता विधेयक सरकारले जस्ताको तस्तै पास गर्ने तयारी गरेपछि त्यसको...

    भेटाएको नागरिकता दुरुपयोग गरी ठगीगर्ने तीन जना पक्राउ

      भेटाएको नागरिकता दुरुपयोग गरी कम्पनी खोलेर ठगी कार्यमा संलग्न तीन जनालाई प्रहरीले पक्राउ गरेको...

    राष्ट्रपतिप्रति सांसद गजेन्द्र महतको व्यंग्यः राष्ट्रपतिलाई अफ्ट्यारा कामहरू राति नै फत्ते गर्ने बानी परिसक्यो

    नेकपा माओवादी केन्द्रका सांसद गजेन्द्र महतले राष्ट्रपति विद्यादेवी भण्डारीप्रति व्यंग्य गरेका छन्। संसदको दुवै सदनले...

    नागरिकता विधेयक आज पारित गर्ने तयारी

    नागरिकता ऐन संशोधन विधेयक आजै पारित हुने भएको छ । संसद सचिवालयले सार्वजनिक गरेको आजको...