News Portal

  • पशुपतिमा प्रदर्शनकारीमाथि प्रहरीको हस्तक्षेप

    बुद्धशरण शाही/ भक्तपुरपोस्टकाठमाडौं, १ असोज
    २७३ पटक
    काठमाडौं, १ असोज

    पशुपतिनाथसहित देशभरका सबै धार्मिक मठमन्दिरहरु खोल्न पाउनुपर्ने माग सहित पशुपति मन्दिर परिसरमा जम्मा भएका प्रदर्शनकारीमाथि प्रहरीले हस्तक्षेप गरेको छ ।

    विभिन्न धार्मिक संस्थाहरुको आह्वानमा आज बिहीबार ८ बजेदेखि पशुपति मन्दिरको मूलढोका अगाडि विरोध प्रदर्शन गर्ने कार्यक्रम राखिएको थियो । बुधवारदेखि नै सामाजिक सञ्जालमार्फत व्यापक रुपमा प्रचार प्रसार गरिएको कार्यक्रममा ठूलो संख्यामा प्रदर्शनकारी जम्मा हुनसक्ने अनुमान गरिएको थियो । तर, प्रहरीले बिहानैदेखि उक्त क्षेत्रमा व्यापक उपस्थिति जनाएर मानिसहरुलाई जम्मा हुन दिएन । त्यतिहुँदा हुँदै पनि केही धार्मिक भक्तजनहरु भने पशुपति परिसरभित्र छिरेका थिए ।

    पशुपति परिसरभित्र छिरेका एक समूहले मन्दिर नजिकै आज आफूहरुले शान्तिपूर्ण रुपमा विरोध गर्ने भनेर माइकिङ गरेको थियो । विरोधस्वरुप भजन गाउने भन्दै माइकिङ गरिरहेका बेला प्रहरीले सो समूहमाथि हस्तक्षेप गरेको थियो । प्रहरीले पशुपति क्षेत्र परिसरमा पानीका फोहोरा हान्ने गाडी पनि तैनाथ गरेको थियो । साथै सम्भावित झडपलाई रोक्न सबै तयारी गरेको देखिन्थ्यो ।

    यसैबीच शान्तिपूर्ण रुपमा गर्न थालिएको धार्मिक संघसंस्थाको विरोध प्रदर्शनमाथि हस्तक्षेप गरिएको भन्दै भण्डारी समाजका अध्यक्ष केदारमान भण्डारीसहित धेरैले विरोध गरेका छन् । कोरोना केवल आतंकमात्र भएको दावी गर्दै उनीहरुले मानिसहरुको धार्मिक आस्थामाथि बन्देज लगाउने काम संविधान विरुद्ध भएको बताएका छन् । मन्दिर तथा धार्मिक स्थलहरु खुल्ला राख्नुपर्ने माग गर्दै उनीहरुले यसैगरी लामो समय मन्दिरहरु बन्द गरिएमा त्यसका विरुद्ध ठूलो आन्दोलन गर्ने चेतावनी पनि दिएका छन् ।

    प्रतिकृया दिनुहोस्

    भक्तपुरका घिमिरे सहसचिवमा सिफारिस

    निराजन nirajan ghimire

    भक्तपुर घर भएका उपसचिव निराजन घिमिरे सहसचिवमा बढुवा सिफारिस भएका छन् । सूर्यविनायक नगरपालिका वडा...

    धन र डनको राजनीति गर्नेलाई लखेट्न प्रचण्ड निर्देशनपछि महेश बस्नेत आक्रोशित

    राष्ट्रिय युवा संघ नेपालका इन्चार्ज समेत रहेका नेकपा (एमाले) का नेता एवं सांसद महेश बस्नेत...

    भक्तपुरका गैरसरकारी संस्थाले समेत ‘सूचना अधिकारी’ तोक्नुपर्ने

    CDO rudra sharma

    भक्तपुरकी प्रमुख जिल्ला अधिकारी रुद्रादेवी शर्माले जिल्लास्थित गैरसरकारी कार्यालयहरुको सूचना सस्प्रेषणमा कडाइ गरेकी छन् ।...

    १६ मन्त्री र २ राज्यमन्त्रीले लिए शपथ,उत्साह र इमानदारिताका साथ काम गर्न निर्देशन

    शेरबहादुर देउवा नेतृत्वको मन्त्रिपरिषदमा नवनियुक्त १६ मन्त्री र २ राज्यमन्त्रीले शुक्रबार पद तथा गोपनीयताको शपथ...

    भक्तपुरमा प्रचण्डले भने – ‘धन र डनको आडमा माओवादीलाई कमजोर पार्ने नसोचे हुन्छ’

    पूर्व प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफ्नो पार्टी धन र डन...