News Portal

  • केन्द्रलाई तत्कालिन शिक्षा विभाग जस्तै जीवन्त बनाउने महानिर्देशक अर्यालकाे उद्घाेष

    भक्तपुरपोस्ट संवाददाता सानाेठिमी, १४ असोज
    ७४३ पटक
    सानाेठिमी, १४ असोज

    सानोठिमीस्थित शिक्षा तथा मानव श्रोत विकास केन्द्रका महानिर्देशक बैकुण्ठ अर्यालले पदभार ग्रहण गरेका छन् । शिक्षक सेवा आयोगबाट केन्द्रको महानिर्देशकमा सरुवा भएका सहसचिव अर्यालले बुधवार पदभार ग्रहण गरेका हुन् ।

    उपमहानिर्देशक अणप्रसाद न्यौपानेको नेतृत्वमा केन्द्रका कर्मचारीहरुले महानिर्देशक अर्याललाई स्वागत गर्नुका साथै परिचयात्मक कार्यक्रम समेत आयोजना गरेका थिए । कार्यक्रममा ३ महाशाखा र १७ शाखा प्रमुखहरुले कार्यसम्पादनका सन्दर्भमा संक्षिप्त जानकारीसमेत गराए ।

    उक्त अवसरमा महानिर्देशक अर्यालले आफ्नो नेतृत्वमा केन्द्रलाई तत्कालिन शिक्षा विभागकै जस्तो जीवन्त बनाउने उद्घोष गरे । शिक्षा विभागको नाम परिवर्तन भएर शिक्षा तथा मानव श्रोत विकास केन्द्रका रुपमा आएपछि कर्मचारीहरु भूमिकाबिहीन जस्ता देखिएकाले काममा नैराश्यता आएको जस्तो देखिएको दावी गर्दै महानिर्देशक अर्यालले सामुहिक एकताबाट केन्द्रको गुमेको वातावरण फर्काउन सकिने बिश्वास व्यक्त गरे ।

    देशमा परिवर्तन भएसंगै शिक्षाका धेरै काम प्रदेश र स्थानीय तहमा हस्तान्तरण भए पनि त्यसलाई जोड्ने काम केन्द्रकै भएको भन्दै महानिर्देशक अर्यालले हाइ सन्चो मानेर हात बाधेर बस्ने बेला नभएको स्पष्ट पारे । ” केन्द्र भूमिकाविहीन भएको होइन, अझ समन्वयकारी भूमिका थपिएको हो । हामी उच्च मनोबल लिएर काम गरौ । यसले राष्ट्रलाई त फाइदा पुग्छ नै, हाम्रा साथीहरु समेत यहाँ सरुवा मागेर आउँन लालायित हुनेछन् ।” महानिर्देशक अर्यालले भने ।

    तत्कालिन शिक्षा विभागबाट केन्द्रमा रुपान्तरण भएता पनि अझैसम्म वेबसाइटसम्म नसच्याएकोप्रति उनले कर्मचारीहरुप्रति असन्तुष्टि प्रकट गरे ।  राष्ट्रपतिसंग जोडिएको शिक्षा सुधार कार्यक्रम समेत अघि बढ्न नसक्नु दुखद भएको भन्दै अर्यालले सबै कर्मचारीलाई आफ्नो जिम्मेवारी इमान्दार र उत्साहित भएर निर्वाह गर्न निर्देशन दिएका थिए । ”शिक्षा तथा मानव श्रोत विकास केन्द्रको वार्षिक प्रगती १० प्रतिसत भन्दा कम हुनु साह्रै कमजोर अवस्था हो । यसले हाम्रो काम गराईलाई गिज्याउँछ । त्यसैले, अधिकत्तम उपलब्धी हासिल गर्न प्रभावकारी कार्ययोजना बनाएर काम गर्नुहाेस् ।” अर्यालले निर्देशन दिए ।

    कोभिड १९ कहरका बीच केन्द्रले गर्नुपर्ने काम धेरै भएको उनको भनाइ छ । बैकल्पिक सिकाइ प्रणाली र सरकारको आकस्मिक कार्ययोजनामा उल्लेख भएका कुराहरुलाई अक्षरस कार्यान्वयन गर्नु केन्द्रको कर्तब्य भएको भन्दै उनले कर्मचारीहरुलाई दिशानिर्देश समेत गरे ।

    भर्चुअल शिक्षण बिधि प्रभावकारी नभएको र सबै विद्यार्थीको पहुँचमा नपुगेको प्रश्न उठेको उल्लेख गर्दै उनले सोको सत्यतथ्य अध्ययन गर्नपर्ने र आधिकारिक धारणा बाहिर ल्याउनुपर्ने आवस्यकता औल्याए । त्यतिमात्र होइन, महानिर्देशक अर्यालले भर्चुअल विधिको साथसाथै अन्य विधिहरुको समेत पहिचान गरी त्यसलाई शिक्षण सिकाइ संग जोड्नु पर्ने दायित्व केन्द्रकै भएकाले केन्द्रका कर्मचारीहरु क्रियटिभ हुनुपर्नेमा जोड दिएका थिए ।

    कतिपय स्थानीय तहले विद्यालय खोल्न खोजेका र त्यहाँका स्थानीय प्रशासनले नखोल्न भनेका घटनाबारे बोल्दै महानिर्देशक अर्यालले केन्द्रले त्यस सम्बन्धमा आफ्नो आधिकारिक सुझाव पेश गर्नुपर्ने बताए । ”हामीले यस सम्बन्धमा आखा चिम्लिन मिल्दैन, आधिकारीक सुझावका लागि बिदेशका अनुभव अध्ययन गरौँ र हाम्रो बस्तुस्थितिको समेत विश्लेषण गरौँ।” महानिर्देशक अर्यालले स्पस्ट पारे । आफ्नो कार्यकालमा कोही पनि कर्मचारी साधन श्रोतको कमीले कामगर्ने वातावरण भएन भन्ने अवस्था नआउने जिकिर गर्दै उनले कर्मचारी प्रति राज्यले गरेको लगानीलाई न्याय गर्नु सबै राष्ट्रसेवक कर्मचारीहरुको कर्तब्य भएको भनेका थिए ।

    प्रतिकृया दिनुहोस्

    भक्तपुरका दुई नगरपालिकामा प्रेस सेन्टरको शाखा बिस्तार

    प्रेस सेन्टर नेपालले भक्तपुर जिल्लाका दुई नगरपालिकामा शाखा बिस्तार गरेको छ । बुधवार सूर्यविनायक र...

    विद्युतीय यातायातलाई सरकारले प्राथमिकता दिन्छ : मन्त्री भुसाल

    ऊर्जा, जलस्रोत तथा सिँचाइमन्त्री पम्फा भुसालले विद्युतीय यातायातलाई सरकारले प्राथमिकतामा दिने दावी गरेकी छन् ।...

    सेनाले बनायो रातमा पनि अवतरण गर्न मिल्ने हेलिप्याड

    जाजरकोट । जाजरकोटमा नेपाली सेनाले रातमा पनि हेलिकोप्टर अवतरण गर्न मिल्ने हेलिप्याड निर्माण गरेको छ...

    पुतलीबजारलाई १ का विरुद्ध ८ गोल गरी भक्तपुर बिजयी : मचामसी उत्कृष्ट खेलाडी घोषित

    एन्फाको आयोजनामा काठमाडौंमा सुरु भएको ‘उपमेयर कप’ महिला फुटबल प्रतियोगितामा भक्तपुर नगरपालिकाले स्याङ्जाको  पुतलीबजार नगरपालिकालाई...

    नागरिकका विवरण सुरक्षित हुनुपर्छ : प्रजापति

    भक्तपुर नगरपालिकामा राष्ट्रिय परिचयपत्रको विवरण भर्ने सम्बन्धमा रुजु अधिकारीहरुबीच अभिमुखीकरण कार्यक्रम सम्पन्न भएको छ ।...