News Portal

  • रक्षा मन्त्रालयबाट हटाइएका ईश्वर पोखरेलकाे विदाईमा प्रधानसेनापति अनुपस्थित

    भक्तपुरपोस्ट संवाददाता भक्तपुर, २९ असाेज
    १२२२ पटक
    भक्तपुर, २९ असाेज

    प्रधानमन्त्रीले रक्षा मन्त्रालयको जिम्मेवारीबाट हटाएपछि रक्षामन्त्री ईश्वर पोखरेललाई बुधवार सो मन्त्रालयमा विदाई कार्यक्रम राखियो । तर, उक्त विदाई कार्यक्रममा नेपाली सेनाका प्रधानसेनापति गएनन । उक्त विदाई कार्यक्रममा नेपाली सेनाले एकजना उपरथीलाई भने पठायो ।

    नेपाली सेनासँगको मनमुटावकै कारण जिम्मेवारी खोसिएको हल्ला चलिरहेका बेला विदाई कार्यक्रममा देखिएको यो दृष्यले अझ बढी कुरा काट्ने मौका मिल्यो । बजारमा अनेक टिप्पणी हुन थाले । यसरी धेरै कुरा आउन थालेपछि अब भने नेपाली सेनाले निवर्तमान भइसकेका रक्षामन्त्री पोखरेललाई नेपाली सेनाको मुख्यालयमै बोलाएर विदाई गर्ने तयारी भएको छ ।

    त्यसका लागि नेपाली सेनाले जंगीअड्डामा आइतबार एक कार्यक्रमको आयोजना गर्ने जनाएको छ । मन्त्रालयको विदाई कार्यक्रममा नआएर मन्त्रीलाई जंगी अड्डामै बोलाउनुलाई पनि अर्थपूर्ण रुपमा हेरिएको छ । नेपाली सेनाले भने जंगीअड्डामै विदाइ गर्ने भएपछि रक्षा मन्त्रालयमा बुधबार भएको विदाइ कार्यक्रममा सहभागी हुन उपरथी शशिबहादुर सिंह पठाएको प्रष्ट्याएको छ ।

    सेना र रक्षामन्त्री पोखरेलबीचको सहज सम्बन्ध नभएको र छेडखानी तथा कटाक्ष हुन थालेको थियो । फास्ट ट्रयाकसहितका विषयमा रक्षामन्त्रीले सेनालाई लक्षित गर्दै लकिरका फकिर जस्ता शब्दको प्रयोग गरेपछि नेपाली सेनाले त्यसमा टिप्पणी पनि गरेको थियो । धेरैले यसैलाई पोखरेललाई सेनासँगको मनमुटावकै कारण रक्षामन्त्रीको जिम्मेवारीबाट हटाइएको दावी गरेका छन् । साथै पोखरेललाई सेनाले मात्र होइन, मन्त्रालयकै कर्मचारीले पनि असहयोग गरेको टिप्पणी बाहिर आएको थियो ।

    यसैबीच रक्षा सचिव रेश्मिराज पाण्डेले यस्ता टिप्पणीमा कुनै तथ्य नरहेको दावी गरेका छन् । त्यो पनि मन्त्रीलाई विदाई गर्न बुधवार मन्त्रालयमा आयोजना गरिएको कार्यक्रममै त्यो कुरा उप्काए । पाण्डेले कर्मचारी र विभागीय समूहको असहयोगले मन्त्री पोखरेल हटेको भन्ने विषय गलत रहेको दाबी गरे । तर, अन्तिममा आएर विदाई कार्यक्रममा त्यस्तो विषयमा टिप्पणी गरेर उनले त्यो कुरामा अझ चर्चा थपेको बताउन थालिएको छ ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...