News Portal

  • राजनीतिलाई दोष लगाएर कर्मचारी चोखिन मिल्दैन : सचिव पाण्डे

    भक्तपुरपोस्ट संवाददाता भक्तपुर, ४ कात्तिक
    ४०६ पटक
    भक्तपुर, ४ कात्तिक

    भूमि व्यवस्था, सहकारी तथा गरिबी निवारण मन्त्रालयका सचिव टेकनारायण पाण्डेले राजनीतिक नेतृत्व दियोको बत्ति भए कर्मचारी त्यसको तेल भएका भनेका छन् । बत्ति कस्तो बाल्ने भन्ने कुरा तेलमा भर भए जस्तै राजनीतिक नेतृत्वले कस्तो परिणाम दिने भन्ने विषय कर्मचारीहरु माथि केन्द्रीत रहने उनको भनाइ छ ।

    शिक्षा सेवाबाट सचिव बन्न सफल सानोठिमी बस्ने पाण्डेले मंगलवार उनलाई बधाई तथा प्रशंसा पत्र प्रदान गर्न आयोजित  एक कार्यक्रममा उक्त कुरा बताएका हुन् । राजनीतिलाई दोष लगाएर कर्मचारी चोखिन नमिल्ने भन्दै पाण्डेले राजनीतिक नेतृत्वको जसअपजसमा कर्मचारी भागीदार रहने प्रष्ट पारे ।

    कर्मचारीहरु प्रति सर्वसाधारण जनता सकारात्मक बन्न नसकेको बताउदै उनले आफूले पाएको मन्त्रालय भूमि व्यवस्था, सहकारी तथा गरिबी निवारण मन्त्रालयको प्रशासनिक कामका विषयमा समेत जनताले कर्मचारी प्रति आशंका गर्ने गरेको स्वीकार गरे । ती बिसङगती अन्त्य गरी जनतासंग जोडिने सेवा प्रवाह आफ्नो प्राथमिकतामा परेको उनले खुलासा गरेका थिए । ”म कर्मचारीलाई जनताले मनैदेखि बिश्वास र आदर गर्ने कर्मचारी संयन्त्रमा जोड दिइरहेको छु।” उनले भने ।

    शिक्षामा आफूले पच्चीस वर्ष सेवा गर्दा पाएको साख गिर्न नदिने प्रतिवद्धता प्रकट गर्दै उनले त्यसलाई अझ उचो बनाएर राष्ट्र सेवामा लागिरहने प्रण गरेका थिए । सचिव पाण्डेले शिक्षामा काम गर्दाका सुखद पलहरुको स्मरण गर्दै शिक्षाको विकास बिना देश बिकाश सम्भव नहुने बिचार समेत व्यक्त गरे । कार्यक्रममा सचिव पाण्डेले समाजवादको यात्रा शिक्षामा विकास बिना सम्भव नहुने बताए । आफूले पच्चीस वर्ष शिक्षा सेवामा बिताएको स्मरण गर्दै पाण्डेले शिक्षा क्षेत्रको विकासका लागि आफूले दिलोज्यान दिने प्रतिवद्धता समेत प्रकट गरेका थिए ।

    उक्त अवसरमा कार्यक्रम आयोजक नेपाल निजामती कर्मचारी संगठन शिक्षा विभागीय कार्यसमितिको तर्फबाट भूमि व्यवस्था¸ सहकारी तथा गरिबी निवारण मन्त्रालयका सचिव टेकनारायण पाण्डेलाई बधाई एवं सम्मान प्रदान गरिएको थियो । शिक्षा सेवाबाट सचिव बन्न सफल भएका सानोठिमी बस्ने पाण्डेलाई सांसद महेश बस्नेतले प्रशंसा पत्र प्रदान गरेका थिए । नेपाल निजामती कर्मचारी संगठन शिक्षा विभागीय कार्यसमितिका अध्यक्ष शिवराज पोख्रेलको अध्यक्षतामा सम्पन्न कार्यक्रममा संगठनका केन्द्रीय अध्यक्ष केदार प्रसाद देवकोटा, आधिकारिक ट्रेड युनियनका निवर्तमान अध्यक्ष पुण्यप्रसाद ढकाल, नेपाल राष्ट्रिय कर्मचारी संगठन (निजामती)का शिक्षा विभागीय अध्यक्ष निमप्रकाश राठौर लगायतको उपस्थिति रहेको थियो ।

    प्रतिकृया दिनुहोस्

    यि हुन् मंगलवारको मन्त्रिपरिषद् बैठकले गरेका ८ निर्णय

    काठमाडौं। प्रधानमन्त्री निवास बालुवाटारमा मंगलबार बसेको मन्त्रिपरिषद बैठकले विभिन्न ८ वटा निर्णयहरु गरेको छ ।...

    शिक्षक सेवा आयोगको अध्यक्षमा मधुप्रसाद रेग्मी नियुक्त

    काठमाडौं । शिक्षक सेवा आयोगको अध्यक्षमा मधुप्रसाद रेग्मी नियुक्त भएका छन् । बुधबार बसेको मन्त्रिपरिषद्...

    माधव नेपाल र प्रचण्डबीच भेटवार्ता

    नेकपा एमालेका वरिष्ठ नेता माधवकुमार नेपाललाई भेट्न नेकपा माओवादी केन्द्रका अध्यक्ष पुष्पकमल दाहाल कोटेश्वर पुगेका...

    अनलाइन शिक्षणसम्बन्धी तालिम माग गरेमा विद्यालयलाई सोझै दिने सरकारी तयारी

      – १० लाख ९३ हजार बालबालिका अनलाइन कक्षामा – इच्छाशक्ति भएका सामुदायिक विद्यालयहरुले अनलाइनबाटै...

    भूवन र दीपाश्रीको सम्बन्ध चिसिएको चर्चा हल्ला मात्रै !

    सर्वाधिक ग्रस कमाई गर्न सफल चलचित्र ‘छक्का पन्जा’का ३ वटै सिरिजका कारण निर्देशक दीपाश्री निरौला...