News Portal

  • मन्त्री दुलालको जनपक्षीय निर्णयपछि बागमती प्रदेशमा सरकारको अनुभुती

    भक्तपुरपोस्ट संवाददाताभक्तपुर, ५ कात्तिक
    ९०८ पटक
    भक्तपुर, ५ कात्तिक

    संघीय सरकारले कोभिड -१९ को सबैलाई निशुल्क परिक्षण  र उपचार नगर्ने भनेर हात उठाएपनि बागमती प्रदेश सरकारले भने त्यसलाई निरन्तरता दिने भएको छ । बागमती प्रदेश सरकारको सामाजिक विकाश मन्त्रालयले निशुल्क परिक्षण र उपचारलाई  निरन्तरता दिने निर्णय गरेको हो ।

    बागमती प्रदेशमा सामाजिक विकाश मन्त्रालयको नेतृत्व मन्त्री युवराज दुलालले गरिरहेका छन् । सिन्धुपाल्चोकबाट प्रदेश सभाका लागि निर्वाचित दुलाल युवा नेता हुन् । जनताको पक्षमा पहलकदमी लिएर उनले निर्णय गरेपछि कोभिड-१९का बिरामीलाई राहत मिलेको छ । मंगलबार मन्त्री स्तरीय निर्णयबाट  उपचारलाई पहिलेजस्तै निरन्तरता दिने निर्णय भएको सचिव दीपक काफ्लेले जानकारी दिएका हुन् ।

     सचिव काफ्लेका अनुसार सामाजिक विकाश निर्देशलयमार्फत प्रदेश भरीका प्रयोगशाला, अस्पताल र स्वास्थ्य कार्यालयहरुमा सो निर्णयका बारेमा बुधबार परिपत्र समेत  पठाइसकिएको छ । प्रदेश मातहत १ जनस्वास्थ्य प्रयोगशाला, ८ अस्पताल र १३ स्वास्थ्य कार्यालय रहेका छन् । प्रदेश मातहत रहेको भक्तपुर अस्पतालकी मेसु डा. सुमित्रा गौतमले पत्र प्राप्त भएको पुष्टि गरेकी छन् । पत्रानुसार अस्पतालले कोभिड १९ को बिरामीलाई निशुल्क सेवा कायम राख्ने उनले बताइन् । भक्तपुर अस्पतालले दुधपाटी र खरिपाटीमा गरि २५० बेडको आइसोलेसन सन्चालन गरिरहेको छ ।

    भक्तपुर अस्पतालका अध्यक्ष मिलन सुवालले सामाजिक विकाश मन्त्रालयको  निर्णय  जनताको पक्षमा भएको भन्दै मन्त्री दुलालप्रति आभार समेत प्रकट गरेका छन् । मन्त्री दुलालकै पहलमा भक्तपुर अस्पतालले स्थापनाको ११६ वर्ष पछि आइसियु सेवा दिन सफल भएको र पहिलोपटक ल्याप्क्रोसकोप बिधिबाट शल्यक्रिया समेत शुरु गरेको अवगत गराउदै अध्यक्ष सुवालले मन्त्री दुलाल जस्ता काम गर्ने नेताकै कारण जनताले सरकारको अनुभुती गर्न सक्ने विश्वास ब्यक्त गरे ।

    प्रतिकृया दिनुहोस्

    यि हुन् मंगलवारको मन्त्रिपरिषद् बैठकले गरेका ८ निर्णय

    काठमाडौं। प्रधानमन्त्री निवास बालुवाटारमा मंगलबार बसेको मन्त्रिपरिषद बैठकले विभिन्न ८ वटा निर्णयहरु गरेको छ ।...

    शिक्षक सेवा आयोगको अध्यक्षमा मधुप्रसाद रेग्मी नियुक्त

    काठमाडौं । शिक्षक सेवा आयोगको अध्यक्षमा मधुप्रसाद रेग्मी नियुक्त भएका छन् । बुधबार बसेको मन्त्रिपरिषद्...

    माधव नेपाल र प्रचण्डबीच भेटवार्ता

    नेकपा एमालेका वरिष्ठ नेता माधवकुमार नेपाललाई भेट्न नेकपा माओवादी केन्द्रका अध्यक्ष पुष्पकमल दाहाल कोटेश्वर पुगेका...

    अनलाइन शिक्षणसम्बन्धी तालिम माग गरेमा विद्यालयलाई सोझै दिने सरकारी तयारी

      – १० लाख ९३ हजार बालबालिका अनलाइन कक्षामा – इच्छाशक्ति भएका सामुदायिक विद्यालयहरुले अनलाइनबाटै...

    भूवन र दीपाश्रीको सम्बन्ध चिसिएको चर्चा हल्ला मात्रै !

    सर्वाधिक ग्रस कमाई गर्न सफल चलचित्र ‘छक्का पन्जा’का ३ वटै सिरिजका कारण निर्देशक दीपाश्री निरौला...