News Portal

  • किन भयाे गाँजा खेतीमा प्रतिबन्ध !

    सरु श्रेष्ठ
    १०२४ पटक

    नेपाल एक उर्वरभूमि भएकाे राष्ट्र हो । भौगोलिक बनावट अनुसार हावा पानी र माटो फरक भए सँगै भिन्न भिन्न किसिमका वस्तुहरु उत्पादन हुने गर्दछ । नेपालमा रहेको उर्वरभूमिलाई चिन्न सक्ने हो भने मुलुक यो समयमा आईपुग्दा सम्म गरिबीको रेखामुनी कमै मात्र नागरिक हुन्थे होला ।

    तर, बिडम्वनाको कुरो त यो छ की आफ्नो देशमा उब्जाउ हुने बालीलाई अरु मुलुकले लागुऔषधको रुपमा प्रतिबन्ध लगाउँदा सहमती जनाउँदै हस्ताक्षर गर्न पुग्छन् । नेपालमा धेरै प्रकारका बस्तुहरु उत्पादन हुने उर्वरभूमिहरु छन् । जसको उपयोग आज सम्म राम्रो सँग हुन सकेको छैन । नेपालको उच्च हिमाली क्षेत्रमा उत्पादन हुने गाँजा खेती ०३३ सालमा संयुक्त राष्ट्रसंघको लहडमा लागेर गाँजा खेतीमाथि प्रतिवन्ध लगाइएको छ ।

    संयुक्त राष्ट्रसंघले सन् १९६१ मा ‘द सिंगल कन्भेन्शन अन नाकोर्टिक ड्रग्स १९६१’ पारित गरे सँगै उक्त अभिसन्धिले गाँजालाई लागूऔषध मानिएको छ । त्यस पश्चात नेपालले उक्त अभिसन्धिमा हस्ताक्षर गरेर सन् १९७६ (२०३३) मा लागुऔषध नियन्त्रण सम्बन्धी कानून बनाएको थियो ।

    २०३३, पछि लागूऔषध नियन्त्रण नीति, २०६६ र लागूऔषध नियन्त्रण रणनीति, २०६८ पनि बनेर कार्यान्वयनमा छ । यि सबैले नेपालमा गाँजा खेतीलाई अवैध भनेको छ । यि कानून र नीति, राणनीतिअनुसार कसैले पनि गाँजा, चरेस र अफिम खेती कसैले लगाएको खण्डमा जरिवाना बेहोर्नुपर्ने हुन्छ । सरकारी निकायबाट अभियान नै चलाएर गाँजा खेती नष्ट गर्ने कार्य हुँदै आएपछि गाँजा उत्पादन क्षेत्रको उर्वरभूमि खेर गैरहेको छ । गाँजा उत्पादन हुने क्षेत्रमा अरु खाद्यवस्तुको उत्पादन राम्रो हुदैँन ।

    लागूऔषध नियन्त्रण ऐन २०३३ अनुसार गाँजा सेवन गर्नेलाई एक महिनासम्म कैद वा दुई हजारसम्म जरिवाना हुने प्रावधान छ । यदि सरकारले गाँजा उत्पादनमा फुकुवा र मन लाग्दी प्रयोग गर्नेलाई कडा सजाएको भागीदार बनाउने हो भने गाँजा उत्पादनबाट उत्पादनकर्ता र मुलुक दुबै आर्थिक अवस्थाबाट केहि कदम माथि उठ्न सकिन्छ । नेपालमा अवैध भनिएको गाँजालाई वैधखानाले चर्को मूल्य तिरेर विदेशबाट आयात गरिएको हामी बेला बेलामा सुन्ने गर्छौ । तर विदेशबाट गाँजा किन्नु भन्दा नेपालमै वैधानिक रुपमा उत्पादन गरेर औषधिको रुपमा प्रयोग गर्दा देशको अर्थतन्त्रमा थप सहयोग पुग्छ ।

    ‘विकशित मुलुकले वैधानिक ढंगबाट गाँजालाई प्रयोग र वेचविखन गरि आम्दानी गरिरहेका अवस्था छ । जसकारण पनि नेपालले अब वैधानिक ढंगले गाँजा फुकुवा गर्न आवश्यक छ । हाल विश्वका विकसित मुलुकहरुमा पर्ने क्यानडा, अष्ट्रेलियालगायत देशले औषधि उत्पादनका लागि गाँजा खेतीको अनुमति लिइसकेका छन्। भने छिमेकी राष्ट्र भारतमा पतञ्जलि आयुर्वेदले गाँजाबाट औषधि बनाउन थालिसकेको छ ।

    यति सम्मको जानकारी नेपाललाई थाहा हुँदा पनि गाँजा उत्पादनको विषयमा मौन रहन्छ भने कृषि र जडीबुटी प्रशोधनमा मुलुक अघि बढ्न सक्दैन । गाँजाको मिश्रणबाट अथाह औषधी बनाउन सकिन्छ जसकारण हामीले गाँजा विदेशी बजारमा पनि बेच्न सक्छौँ । जस्ले विदेशी मुद्रा आर्जन गर्न, किसानको आम्दानी बृद्धि सहयोग गर्छ । अहिले सम्म नेपालले प्राय देशहरुसँग व्यापार घाटा व्यहोर्दै आईरहेको छ ।

    कृषिमा प्रविधि र जडीबुटी उत्पादनमा सरकारले नजर लगाउने हो भने व्यापार घाटामा कहीहत सम्म कम गर्न सकिन्छ । अहिले गाँजाको विषयले प्रतिनिधिबैठकमा समेत ठाउँ पाएको छ । केही सांसदहरुले गाँजा उत्पादनमा खुला गर्नुपर्ने आवाज उठाएका छन् । देश र नागरिक दुबैको हितमा प्रचलित कानूनले प्रतिबन्धित लागूऔषधको सूचीमा राखेको गाँजा खेतीलाई प्रोत्साहन साथ फुकुवा गर्न आवश्यक देखिन्छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...