News Portal

  • बरिष्ठ नेता पौडेल पक्राउले बनायो काँग्रेसलाई बलियो

    भक्तपुरपोस्ट संवाददाता भक्तपुर, १७ मङ्सिर
    १८४ पटक
    भक्तपुर, १७ मङ्सिर

    सरकारका कारण नेपाली कांग्रेसका नेताहरु एकमत भएका छन् । फरक मत राख्ने गुटका नेताहरु एकमत भएका हुन् ।

    बरिष्ठ नेता रामचन्द्र पौडेललाई बुधबार प्रहरीले पक्राउ गरेपछि उनीहरु एकठाउँ आइपुगेका छन् । तनहुँमा पुल उद्घाटन गर्न जाँदा प्रहरीले पक्राउ गरेको विरोधमा कांग्रेस नेताहरु एकमत देखिएका हुन् ।

    पौडेलले दिउँसो आफ्नो ट्विटर मार्फत पक्राउको जानकारी दिने बित्तिकै काँग्रेसका प्राय: सबै नेताले सरकारी रवैयाको विरोधमा सामाजिक सञ्जाल रङ्गाएका छन् ।

    प्रकाशमान सिंह, विमलेन्द्र निधी, डा.डिला संग्रौला, गगन थापा, नविन्द्र राज जोशीलगायतका नेताले सरकारलाई यो गिरफ्तारी महंगो पर्ने चेतावनी नै दिए । पार्टी सभापति शेरबहादुर देउवाले पनि विज्ञप्ति जारी गर्दै सरकारको निन्दा गरेका छन् । कमजोर प्रतिपक्षी नेता मानिएका देउवाले पैाडेलकाे पक्षमा भने सरकारलाई कडा दनक नै दिएका छन् ।

    देउवाले सरकारलाई अधिनायकवादीको संज्ञा दिदै अधिनायकवादी अभिष्ट पुरा हुन नदिने चेतावनी दिएका थिए ।

    तनहुँमा पक्राउ परेका पौडेल रिहा भैसकेका छन् । तनहुको व्यास १ र ११ जोड्ने पक्की पुल उद्घाटन कार्यक्रममा नेता पौडेलसँगै प्रहरीले तनहुँ जिल्ला कार्यबाहक सभापति जितप्रकाश आलेलाई पनि हिरासतमा लिएको थियो । व्यास नगरपालिकाले उक्त पुल बुधबार दिउँसो १ बजे वरिष्ठ नेता पौडेलबाट उद्घाटन गर्ने कार्यक्रम राखेको र नेकपा निकट राष्ट्रिय युवा संघले रोक्नुपर्ने भनेपछि पुल उद्घाटनमा विवाद भएको थियो । विवादका कारण घटना निम्तिएको प्रशासनले जनाएको छ । गण्डकी प्रदेश प्रहरी प्रवक्ता डीएसपी राजेन्द्रबाबु रेग्मीले नेता पौडेललाई हिरासतमा लिइएको नभई सुरक्षाका लागि उनलाई प्रहरी कार्यालयमा राखिएको बताएका छन् ।

    प्रतिकृया दिनुहोस्

    घर पुर्‍याई दिने भनी मोटरसाइकलमा राखी अपहरण तथा बलात्कार गरेकाे अभियाेगमा पक्राउ

    महानगरीय अपराध महाशाखाले घर पुर्‍याई दिने भनी मोटरसाइकलमा राखी अपहरण तथा बलात्कार गरेर फरार अभियुक्तलाइ...

    सरकारकाे दमनपछि नागरिक अगुवाकाे उद्घाेष : तेस्रो जनआन्दोलन सुरु भयाे

    शान्तिपूर्ण नागरिक आन्दोलनमा प्रहरीले हस्तक्षेप गरेपछि अगुवाहरु थप आन्दोलित बनेका छन् । साहित्यकार एवं पूर्व...

    थिमि वृत्तका डिएसपी कँडेल एसपीमा बढुवा सिफारिस

    नेपाल प्रहरीका १६ जना प्रहरी नायब उपरीक्षक(डिएसपी) लाई प्रहरी उपरीक्षक(एसपी) पदमा बढुवा सिफारिस गरिएको छ...

    धवलागिरि प्रतिभा पुरस्कार पन्तलाई

    यस वर्षको धवलागिरि प्रतिभा पुरस्कार पर्वत फलेबास घर भई हाल अमेरिकामा रहेका महेश्वर पन्तको “फुर्लुङ”...

    नेमकिपा बाकेको प्रथम जिल्ला परिषद सम्पन्न

    नेपाल मजदुर किसान पार्टीको ४७औं स्थापना दिवस तथा नेमकिपा बाँकेको प्रथम जिल्ला परिषद सम्पन्न भएको...