News Portal

  • समृद्धिको यात्रा, ओलीको गाईजात्रा

    भक्तपुरपोस्ट संवाददाता
    ३२० पटक

    काठमाडौं, ११ पुस । संसद् विघटन गर्ने प्रधानमन्त्री केपी शर्मा ओली र त्यसमा लाहाछाप लाउने राष्ट्रपति विद्यादेवी भण्डारी बिरुद्ध राजधानीमा नागरिक प्रतिरोध भएको छ । शनिबार दिउँसो काठमाडौंको माइतीघरमा नागरिक संघर्षमा उत्रिएका हुन् ।

    नागरिक समाजको आयोजनामा माइतीघर भण्डलामा भएको प्रदर्शनले बटुवालाई पनि आकर्षित गरेको थियो । नागरिकहरुले शंख बजाएर सरकार प्रमुखको अलोकतान्त्रिक कदम प्रति बिरोध जनाएका थिए ।

    प्रदर्शनमा सहभागीले संसद् विघटन गर्ने प्रधानमन्त्री ओलीको कदमलाई प्रतिगमनको संज्ञा दिएका छन् । प्रधानमन्त्रीको कदमविरुद्ध ‘वृहत नागरिक आन्दोलन’ निर्माण गरेका नागरिक अगुवाले सडक संघर्षको पहिलो दिन शंख बजाएर विरोधको स्वर सुनाएका छन् भने सरकार विरुद्ध चर्को नाराबाजी समेत गरेका छन ।

    प्रदर्शनमा सहभागीहरुले ‘समृद्धिको यात्रा, ओलीको गाईजात्रा’, ‘म नागरिक संविधानको पालक, नेताज्यू तपाई नि ?’, ‘संविधानमाथि तिरैतिर, प्रतिगामीलाई खिरैखिर’ जस्ता नारा लेखिएको प्ले कार्ड बोकेका थिए ।

    प्रतिगमनको ठूलो कदमले दैलैमा टेकेपछि हालसम्म प्राप्त उपलब्धि नै गुमेर मुलुक अँध्यारो सुरुङमा प्रवेश गर्न लागेको विषयमा चासो र चिन्ता हुनु स्वाभाविक भएकोले नागरिक स्वस्फूर्त सडकमा उत्रिएका सहभागीहरुले बताए । प्रतिगमनबाट मुलुकलाई जोगाउँदै थप उपलब्धि प्राप्त गर्न सडकमै उत्रनु सबै नागरिकको कर्तव्य भएको आन्दोलनका संयोजक युग पाठकले बताएका छन् । संयोजक पाठकका अनुसार आइतवार डम्फू बजाएर बिरोध प्रदर्शन गरिने कार्यक्रम रहेको छ ।

    प्रतिकृया दिनुहोस्

    नेपाल – भारत साहित्य दोस्रो महोत्सवको लागि बैठक सम्पन्न

    काठमाडौं । नेपाल -भारत साहित्य यात्राको दोस्रो संस्करणको रुपमा त्रिदीवसीय नेपाल भारत साहित्य दोस्रो महोत्सव...

    महिला सशक्तीकरणमा लायन्स

    काठमाडौं, सामाजिक क्षेत्रमा विविध कार्य गर्दै आइरहेको लायन्स अफ काठमाडौं, ब्राइटस्टारको प्रायोजनमा महिला सशक्तीकरण कार्यक्रमअन्तर्गत...

    बिग्रेको बाटोका कारण बाल्कोटमा ट्र्याक्टर चालकको ज्यान गयो : प्रहरी

    भक्तपुरको सूर्यविनायक- २ बालकोटस्थित महेन्द्र शान्ति स्कूलबाट चारदोबाटो तर्फ आउदै गरेको ट्र्याक्टर दुर्घटना हुँदा चालकको...

    पाप पखाल्ने इन्द्रदह

    नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात्...

    मानवीय आस्थामा नयाँ कार्यसमिति

    भक्तपुरमा क्रियाशील गैरसरकारी संस्था मानवीय आस्था नेपालको छैठौं साधारण सभा सम्पन्न भएको छ । आइतबार...