News Portal

  • ओलीलाई ‘पेले’ भन्ने पूर्वमन्त्री श्रेष्ठले राखे नेपालको नयाँ नाम, प्रचण्डबारे पनि कटु बचन

    भक्तपुरपोस्ट संवाददाता भक्तपुर, ६ भदौ २०७८
    २४२ पटक
    भक्तपुर, ६ भदौ २०७८

    नेकपा एमालेका अध्यक्ष केपी शर्मा ओली प्रधानमन्त्री हुँदाका शिक्षामन्त्री कृष्णगोपाल श्रेष्ठले ओलीलाई फुटबल खेलाडी पेले सँग तुलना गरेर दिएको अभिव्यक्ती खुबै चर्चामा आएको थियो । ओलीलाई पेले भन्ने श्रेष्ठले एमाले फुटाउँने माधव नेपाललाई पनि नयाँ नाम दिएका छन् ।

    एमाले विभाजन गरेर नयाँ पार्टी खोल्ने माधव नेपाललाई पूर्वमन्त्री कृष्णगोपाल श्रेष्ठले ‘बिषालु सर्प’को उपमा दिएका छन् । एमाले फुटाएको भन्दै माधव नेपाल सँग आक्रोसीत भएका श्रेष्ठले विषालु सर्प भन्दै माधव नेपाल माथी खनिएका हुन् । श्रेष्ठले नेकपा एकीकृत समाजवादीका संयोजक माधवकुमार नेपालप्रति मात्र नभई माओवादी केन्द्रका अध्यक्ष पुष्पकमल दाहाल प्रचण्ड प्रति पनि कटु वचन प्रयोग गर्दै अभिव्यक्ति दिएका छन् ।

    काठमाडौं, क्षेत्र नं ९ र १४ नम्बर वडा पार्टी कार्यालयको संयुक्त उदघाटनमा बोल्दै श्रेष्ठले प्रचण्डलाई मान्छे नमारी भातसमेत नरुच्ने मान्छे भन्न भ्याए । उनले प्रचण्डबारे भने, ‘मान्छेको हत्या नगरी भातसमेत नरुच्ने मान्छेलाई पार्टी अध्यक्ष स्वीकार्ने काम भयो, त्यो गलत थियो ।’ प्रचण्ड बाहिरिएको भन्दै त्यसले ठिक भएको बताए ।

    श्रेष्ठले माधव नेपाललाई ‘विषालु सर्प’ को संज्ञा दिए । उनले विषालु सर्प बाहिरिएकाले अब एमाले शुद्ध हुने बताए । विषालु सर्प एमालेबाट बाहिरिएको छ, अब एमाले शुद्धीकरण भई सशक्त रुपमा बढ्छ । पार्टीका कतिपय कार्यालयहरु माधव नेपाल पक्षले हडप्न खोजेको भन्दै आलोचना गरे । उनले माधव नेपाल समूहलाई ‘दुष्टहरुको झुण्ड’को संज्ञा दिएका छन् ।

    नेकपा एमालेका नेता कृष्णगोपाल श्रेष्ठ विवादास्पद अभिव्यक्तिका कारण चर्चामा आइरहन्छन् । एमाले अध्यक्ष केपी शर्मा ओलीका विश्वासपात्र श्रेष्ठले केपी ओलीाई फुटबलको पेल जस्तै हो कोही माइकलाल छ हटाउँन सक्ने? भन्दै बोलेको कुराले बजार तताएको थियो ।

    प्रतिकृया दिनुहोस्

    नेपाल – भारत साहित्य दोस्रो महोत्सवको लागि बैठक सम्पन्न

    काठमाडौं । नेपाल -भारत साहित्य यात्राको दोस्रो संस्करणको रुपमा त्रिदीवसीय नेपाल भारत साहित्य दोस्रो महोत्सव...

    महिला सशक्तीकरणमा लायन्स

    काठमाडौं, सामाजिक क्षेत्रमा विविध कार्य गर्दै आइरहेको लायन्स अफ काठमाडौं, ब्राइटस्टारको प्रायोजनमा महिला सशक्तीकरण कार्यक्रमअन्तर्गत...

    बिग्रेको बाटोका कारण बाल्कोटमा ट्र्याक्टर चालकको ज्यान गयो : प्रहरी

    भक्तपुरको सूर्यविनायक- २ बालकोटस्थित महेन्द्र शान्ति स्कूलबाट चारदोबाटो तर्फ आउदै गरेको ट्र्याक्टर दुर्घटना हुँदा चालकको...

    पाप पखाल्ने इन्द्रदह

    नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात्...

    मानवीय आस्थामा नयाँ कार्यसमिति

    भक्तपुरमा क्रियाशील गैरसरकारी संस्था मानवीय आस्था नेपालको छैठौं साधारण सभा सम्पन्न भएको छ । आइतबार...