News Portal

  • नयाँ नेतृत्व चयन गर्दै प्रलेस भक्तपुरको पाँचौं सम्मेलन सम्पन्न

    भक्तपुरपोस्ट संवाददाता भक्तपुर, २७ फागुन
    १०९५ पटक
    pralesभक्तपुर, २७ फागुन

    प्रगतिशील लेखक संघ नेपालको भक्तपुर जिल्ला शाखामा नयाँ नेतृत्व निर्वाचित भएको छ । शुक्रवार सम्पन्न पाँचौं सम्मेलनबाट नयाँ नेतृत्व निर्वाचित भएको हो ।

    भक्तपुरको दुधपाटीस्थित भक्तपुर बहुमुखी क्याम्पसमा सम्पन्न पाँचौं सम्मेलनको बन्द सत्रले गणेश घिमिरे मार्मिकको अध्यक्षतामा नयाँ कार्यसमिति निर्वाचित गरेको निर्वाचन समितिका संयोजक मातृका पोखरेलले पुष्टि गरे । पोखरेलले जनाए अनुसार उपाध्यक्षमा रामशरण दाहाल, सचिवमा बाबुकाजी साछें श्रेष्ठ, सहसचिवमा जयन्ता पोखरेल र कोषाध्यक्षमा छन्दविज्ञान निरौला निर्वाचित भएका छन् ।

    त्यसैगरी कार्यसमिति सदस्यहरुमा राजकुमार लामिछाने, सुसिला ढकाल, कमल मिश्र, नारायण राजथला, बुद्धिकुमार घो, माया दोङ्ग, राजेश्वरी शिल्पकार, प्रदिपजामन: श्रेष्ठ, युवराज ढकाल, ईश्वरीप्रसाद शर्मा र लक्ष्मी थापा निर्वाचित भएका बताइएको छ ।

    नवनिर्वाचित सिंगो कार्यसमिति नै सर्वसम्मतरुपले निर्विरोध निर्वाचित भएको निवर्तमान अध्यक्ष डिपी ढकालले जानकारी दिए । नवनिर्वाचित भक्तपुर जिल्ला कार्यसमितिलाई केन्द्रीय अध्यक्ष प्राडा जिवेन्द्रदेव गिरीले सपथग्रहण गराएका थिए ।

    सम्मेलनको उद्घाटन सत्रलाई सम्बोधन गर्दै केन्द्रीय अध्यक्ष प्राडा गिरी, निवर्तमान केन्द्रीय अध्यक्ष मातृका पोखरेल, प्राज्ञ नन्दु उप्रेती, लेखक एवं राजनीतिकर्मी निर्मल भट्टराई लगायतले बामपन्थी विचारलाई व्यवहारमा लागू गर्न प्रगतिशील लेखकहरुले कलम चलाइरहनुपर्ने आवश्यकता औल्याएका थिए । जनताको भरोषा आफूहरूमा रहेको भन्दै क्रान्तिकारी र आलोचनात्मक चेतलाई निभ्न दिनु नहुनेमा उनीहरुले जोड दिए । निवर्तमान अध्यक्ष डिपी ढकालको अध्यक्षतामा सम्पन्न उद्घाटन सत्रको संचालन सचिव चुडामणी पौडेलले गरेका थिए ।

    उक्त अवसरमा भक्तपुरमा रहेर जनताको पक्षमा लेख्ने लेखकहरुलाई सम्मानित समेत गरिएको छ । सम्मानित हुनेहरुमा प्राडा त्रिरत्न शाक्य,संविधान सभा सदस्य सत्यलाल मूल, जीवनाथ अधिकारी,मनोहर लामिछाने र कृष्णमोहन जोशी रहेका प्रलेसले जनाएको छ ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...