हेटौडा, २७ माघ ३ नम्बर प्रदेशको राजधानीमा एक घरबाट बिष्फोटक पदार्थ बरामद भएको छ । मनहरी गाउँपालिका–५ डिल्लीपुरका एक स्थानीयको घरबाट भारी मात्रामा बिष्फोटक पदार्थ बरामद भएको हो ।
रुम्बा थर भएकाको घरबाट कटुवा पेस्तोल १ थान, कुकर बम १ थान, सुतली बम २ थान, ईन्सास राईफलको गोली २ थान, ८ एमएम लेखिएको गोली २ थान, बारुद करीव आधा केजी, गन्धक पदार्थ १ थान, सेनाको कम्ब्याड ड्रेस १ थान, रडको टुक्रा ५ थान, कैंची १ थान, कालो टेप १ थान, डेटोनेटर आधा मिटर र कुकर बम पडकाउने रिमोट १ थान शुक्रबार प्रहरीले फेला पारी बरामद गरेको छ ।
बिशेष सुराकीको आधारमा ईलाका प्रहरी कार्यालय नेवारपानीबाट खटिएको प्रहरीले उक्त घर खानतलासी गर्दा उक्त हातहतियार बरामद भएको प्रहरीले जानकारी गराएको छ ।
कुन उदेश्यले बिष्फोटक सामाग्री राखिएको भन्ने खुल्न आएको छैन । यस सम्बन्धमा प्रहरीबाट थप खोजी कार्य तथा अनुसन्धान भइरहेको बताइएको छ ।