पूर्वप्रधानमन्त्रीसमेत रहेका नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले ‘कान्छी’ हेरेका छन्। उनले अभिनेत्री श्वेता खड्का निर्माता रहेको फिल्म ‘कान्छी’ हेरेका हुन् ।

आइतवार साँझ कुमारी हलमा पुगेर कान्छी हेरेपछि प्रचण्डले निर्मात्रीसमेत बनेकी श्वेता खड्कालाई सान्त्वना समेत दिएका छन । ‘परिवारको सदस्य गुमाउनुको पीडा हामीले समान महसुस गरिरहेका छौँ।’ उनले भने । उनले परिवारको सदस्य गुमाएकी श्वेताको जस्तै आफ्नो पनि हालत भएको र शोकलाई साहसमा बदली सार्थक जीवन जीउनुको विकल्प नभएको बताएका छन् ।

श्वेता नेपाली चलचित्रका सफल अभिनेता स्वर्गीय श्री कृष्ण श्रेष्ठ की श्रीमती हुन् ।

बिशेष सो मा ‘कान्छी’ हेर्न कुमारीमा माओवादी केन्द्रका नेता नारायणकाजी श्रेष्ठ, नयाँ शक्ति पार्टी नेपालकी नेत्री हिसिला यमी, सामान्य प्रशासनमन्त्री लालबाबु पण्डित, संचार राज्यमन्त्री गोकुल बाँस्कोटालगायतको उपस्थिति थियो ।

कान्छीको निर्देशक आकाश अधिकारी रहेका छन । उक्त फिल्ममा मुख्य भूमिकामा रहेका श्वेता खड्काको जोडीमा दयाहाङ राई रहेका छन् ।