भक्तपुर पोष्ट संवाददाता भक्तपुर, ४ असार २०८१
भक्तपुर, ४ असार २०८१भक्तपुर शहरबारे गीत गाइसकेका भक्तपुरे गायक कपिल कस्पालले राजधानी काठमाडौं शहरलाई पनि आफ्नो स्वरमा सजाएका छन् । कवि तथा गीतकार उत्तम विचारको शब्द र रिमेश कुमारको संगीतमा सजिएको काठमाडौं शहरलाई उनले आफ्नो जादुई स्वर दिएका हुन् ।
नेपाली मनको पनि राजधानी यो हो शहर काठमाडौं, महानगर काठमाडौं…. बोलको यो गीतले काठमाडौंको इतिहास, कला, सस्कृति र प्राचिनताको प्रवर्द्धन गर्ने गायक कस्पालले बताएका छन् । गीतले सो क्षेत्रको पहिचान र पर्यटन पर्वद्धनमा पनि योगदान पुग्ने उनले बताए ।
गायक कस्पाल संचारकर्मी समेत हुन् । आफ्नो अघिल्लो गीतले भक्तपुरबारे विविध विषय संचार गरेको स्मरण गर्दै उनले यो गीतले पनि राजधानी काठमाडौं बारे बताउने बिश्वास व्यक्त गरे । उनले उपत्यकाको अर्को शहर महानगर ललितपुरबारे पनि गीत गाउने धोको रहेको जनाएका छन् ।