धनुषाको जनकपुरमा प्रदेश नम्बर २ भित्र कार्यरत पत्रकारका लागि अभिमुखिकरण कार्यक्रम भएको छ । शिक्षा पत्रकार समूहको आयोजना तथा आसमान नेपाल र सिजप नेपालको सहयोगमा कार्यक्रम  गरिएको हो ।

देशमा लोकतन्त्र र गणतन्त्र आई सक्दा पनि बिद्यालय र बालबालिका सुरक्षित नभएको प्रति चिन्ता व्यक्त गर्दै शिक्षा क्षेत्रलाई शान्ति क्षेत्र कसरी बनाउने भन्ने बिषयमा कार्यक्रम केन्द्रित रहेको छ । त्यसमा रहेका चुनौती र र हाल सम्म देशमा भएका प्रयास र उपलब्धीको बारेमा जानकारी गराउने उदेश्यले तालिमको आयोजना गरिएको आयोजकले इभक्तपुरसंग भनेको छ ।

यस प्रदेशका बालबालिका र बिद्यालय अझै पनि संबेदनशील अबस्थामा रहेका र यहा अझै १ लाख ५३ हजार बालबालिका बिद्यालय बाहिर रहेको कार्यक्रममा जानकारी गराईएको छ । यो संख्या सातै प्रदेश मध्य उच्च हो ।

शिक्षा पत्रकार समूहका वरिष्ठ पत्रकार रामशरण सेढाई ,सिजप नेपालकी अध्यक्ष रोचना सुब्बा ,निबर्तमान अध्यक्ष दिपकराज दाहल, आसमान नेपालका श्यामकृष्ण मण्डल , विश्व शिक्षाका सुशील कुमार यादबले सहजिकरण गरिरहेको कार्यक्रम आइतवारसम्म चल्ने बताइएको छ ।