सर्लाही, २३ जेठसर्लाहीको इश्वरपुरमा चट्याङ लागेर एक महिलाको मृत्यु भएको छ भने तीन बालबालिका घाईते भएका छ्न । मंगलबार दिउँसो हावा हुरी र पानी संगै परेको चट्याङ लागेर इश्वरपुर- १२ कालिन्जोरकी ४५ वर्षीया महिला जोगमाया वाईबाको ज्यान गएको हो ।
दिउँसो घरमै बसि रहेको अवस्थामा चट्याङ लागेर जोगमाया वाईबाको ज्यान गएको स्थानीय मदन बिश्वकर्माले बताए । चट्याङ पर्दा वाईबाको १२ वर्षीया छोरी बुनमाया वाईवा र अर्का ९ वर्षका छोरा रवि वाईबा र रवि संगै घरमा खेली रहेका छिमेकि ९ वर्षीय रोजन बिश्वकर्मा गम्भीर घाईते भएका इलाका प्रहरी कार्यालय केशरगन्जले जनाएको छ । मृतक वाईवाको शव जिल्ला अस्पताल मलंगवामा अहिले पोस्ट्मार्ड्म पश्चात् आफन्तलाई बुझाईएको प्रहरीले जानकारी गराएको छ ।
चट्याङ्बाट घाईते तीन जना बालबालिकाको लालबन्दी स्थित प्राथमिक उपचार केन्द्र लालबन्दीमा सामान्य उपचार पछि थप उपचारको लागि नारायणी उप क्षेत्रीय अस्पताल बिरगन्ज रिफर गरिएको केन्द्रका हेल्थ असिस्टेन्ड रोशन चौधरीले बताए । उता, वाईबाको मृत्यु र तीन बालबालिका एकै साथ गम्भीए घाईते भए पछि गाउँलेहरु शोकमा डुबेका छन् । भवितब्य सम्झदा पनि जिउ जिरिङ्ग हुने स्थानीय जीवन विश्वकर्मा बताउँछन् ।
सच्याइएको : इश्वरपुर-१२ हुनुपर्नेमा लालबन्दी-१२ भएकोले सच्याइएको छ । -सम्पादक