रुपन्देही, १८ असार ईलाका प्रहरी कार्यालय बुटवलले जर्वजस्ती करणी गरि धारिलो छुराप्रहारबाट हत्या गरि फरार दुई अभियुक्तलाई पक्राउ गरि सार्वजनिक गरेको छ । १२ वर्ष अघि हत्या गरि फरार रहेका अभियुक्तलाई पक्राउ गरि आइतबार पत्रकार सम्मेलन मार्फत सार्वजनिक गरिएको छ ।
२०६३ कात्तिक ८ गते राती करिब १ वजेको समयमा रुपन्देही जिल्ला साविक मक्रहर गाविस वडा न.९ हाल तिलोत्तमा नगरपालिका वडा न.१२ विजय नगर घर भएकी ३५ वर्ष की बिजुलिया मुसहरलाई जर्वजस्ती करणी गरि घाटीमा धारीलो छुरारोपि हत्या गर्नुका साथै मृतक बिजुलियाकी ९ वर्षिय छोरी सन्तोषिया मुसहरलाई पनि छुरा रोपि हत्या गर्ने तिलोत्तमा नगरपालिका वडा न.१२ विजय नगर बस्ने वर्ष ६४ का बिसम्बर थारु र उनका आफनै छोरा वर्ष ३४ वर्षीय भिख्खु भन्ने अम्रिका थारुलाई प्रहरीले पक्राउ गरि सार्वजनिक गरेको हो ।
विशेष सुराकीको आधारमा ईलाका प्रहरी कार्यालय बुटवलबाट खटिएको प्रहरी अधिकृत सहितको टोलीले खोजतलास गर्ने क्रममा दुवै अभियुक्तलाई तिलोत्तमा नगरपालिका वडा न. ७ सिमराबाट हिजो पक्राउ गरेको हो । दुवै अभियुक्तलाई म्याद थप गरि अनुसन्धान सुरु गरिएको इलाका प्रहरी कार्यालय बुटवलका प्रहरी नायव उपरिक्षक डिल बहादुर मल्लले जानकारी दिए ।