राजन रावतसिमकोट, ४ साउन
सिमकोट, ४ साउन सिमकोट गाउँपालिका वडा नम्बर २ को ग्याग्ुमा बाटोमा हिड्ने क्रममा करेन्ट लाग्दा एक जना महिलाको मृत्यु भएको छ । साथै, अर्की एक जना घाइते भएकी छन् ।
मृत्यु हुनेमा सोही वडाकी वर्ष ४० की जसी भण्डारी रहेकी प्रहरी नायव उपरिक्षक रबिन श्रेष्ठले जानकारी दिए ।
यसैगरी वडा नम्बर १ की ३० बर्षिया कल्दरी भण्डारी घाइते भएको प्रहरीले जनाएको छ ।
दिउँसो जग्गामा काम गरेर फर्कने बेलामा विद्युतको पोलबाट छुटिएर बाटोमा घिस्री रहेको तारले करेन्ट लाग्दा निजको मृत्यु भएको हुन सक्ने प्रहरीले जनाएको छ ।
यस्तै, घाइते भण्डारी करेन्ट लागेकी महिलालाई चप्पलले छुटाउन खोज्दा करेन्ट लागेर घाईते भएको हुन सक्ने प्रहरीको अनुमान छ ।
घटनास्थल सिमकोटबाट तीन घण्टा पैदल दूरीमा रहेको छ । घटनास्थलमा फोन सम्पर्क हुँदैन ।