सर्लाही, ४ भदाै
सर्लाहीको मनुस्मारा खोलामा नुहाउन गएका दुई बालिकाको खोलामा डुबेर ज्यान गएको छ । जिल्ला को दक्षिण पश्चिम क्षेत्रमा पर्ने मनुस्मारा खोलामा नुहाउन गएका दुई बालिकाको खोलामा डुबेर ज्यान गएको हो ।
ज्यान जाने बालिकाहरुमा बरहथवा नगरपालिका -१२ का दिनकर ठाकुरको ५ बर्षिया छोरी रुपा ठाकुर र सोहि ठाउँ बस्ने नरेश ठाकुरको ६ बर्षिया छोरी शिवानी ठाकुर रहेको इलाका प्रहरी कार्यालय बरहथवाका प्रहरी निरीक्षक अमोद फेरवारले बताएका छ्न ।
केहि दिन यता बढेको अत्याधिक गर्मीका कारण शनिवार दिउसो खोलामा नुहाउन पुगेका दुई बालिका खोलामा डुबेर बेपता भएका र उनीहरुको खोजी गर्ने क्रममा आईतबार दिउसो मृत अबस्थामा शव फेला परेको प्रहरी निरीक्षक फेरवारले जानकारी दिए।
खोलाले बगाएर बेपता भएका दुई बालिका मध्ये रुपाको शव शनिवार नै फेला परेको भए पनि सिवानीको आईतबार दिउसो मात्रै फेला परेको सर्लाही प्रहरीले जनाएको छ । छोरीको मृत्यु पछि अहिले ठाकुर परिवारका साथै गाउँ शोकमा डुबेको छ ।
पछिल्लो समय जिल्लामा गर्मी छल्न खोला तथा पोखरीमा नुहाउन जाने क्रम बढेसंगै बालबालिकाको डुबेर तथा बगाएर ज्यान जाने जोखिम बढेको जिल्ला प्रहरी कार्यालय सर्लाहीका प्रहरी उपरीक्षक पोषराज पोख्रेल ले बताएका छन ।