पश्चिम नेपालको केन्द्र बिन्दु बुटवल बजारलाई नमुना र रात्रीकालिन बजार बनाइने भएको छ ।

उपमहानगरपालिकाले बजारलाई पहिलो र दोश्रो चरणमा नमुना र रात्रिकालिन बनाउने तयारी गरेको हो ।

पहिलो चरणमा अमरपथ, रामन्दिरलाइन र संगम पथलाई र दोश्रो चरणमा अस्पतालदेखि उत्तर हाटवजारदेखि दक्षिणको बजारलाई रात्रीकालिन बनाउने योजना बुटवल उपमहानगरपालिकाले बनाएको छ ।

उपमहानगरपालिकाले चालु आर्थिक वर्षको नीति कार्यक्रम र बजेटमा समेत रात्रीकालिन बजारलाई प्राथमिकता दिएको बुटवल उपमहानगरपालिका प्रमुख शिवराज सुवेदीले बताए ।

उपमहानगरपालिकाले नीति कार्यक्रममा सुरक्षा प्रवन्ध, सुलभ शौचालय, स्वच्छ पिउने पानी र यातायातको व्यवस्था सहित रात्रीकालिन बजार संचालन व्यवस्थापनका लागि सम्भाव्यता अध्ययन गरी कार्यान्यन गर्न पहल गर्ने स्पष्ट उल्लेख गरेको सुवेदीको भनाई छ ।