काठमाडौं, १ असोज
काठमाडौं, १ असोजनेपाल प्रहरीका एक प्रहरी नायब निरीक्षक रंगेहात पक्राउ परेका छन् । अख्तियार दुरुपयोग अनुसन्धान आयोगको विशेष टोली उनलाई कार्यकक्षबाटै पक्राउ गरेको छ ।
पक्राउ पर्नेमा थलीका प्रमुख बिपिनचन्द्र पन्त रहेका छन् । उनी महानगरीय प्रहरी वृत बौद्ध मातहतका हुन् ।
पन्तलाई सेवाग्राहीबाट पाँच हजार घुस लिएको आरोप लागेको छ । स्थानीयको उजुरीको आधारमा पन्त लाई ५ हजार घुस रकम लिँदै गर्दा अख्तियारको टोलीले रङ्गेहात पक्राउ गरेको बताइएको छ ।
महानगरीय प्रहरी वृत्त बौद्ध घुसका कारण बद्नाम बनेपछि अख्तियारले यस अघि त्यहाका प्रमुख श्याम राईलाई १ लाख ४० हजार घुससहित कार्यकक्षबाटै पक्राउ गरेको थियो ।