भक्तपुर, २ कात्तिक भक्तपुरको हनुमानघाटस्थित मुनिबिहारमा रहेका बाल भिक्षुहरुलाई भोजन दान गरिएको छ । सल्लाघारी निवासी सावित्री मानन्धरद्वारा उनीहरुलाई भोजन दान गरिएको हो ।
शनिवार सावित्री मानन्धरको परिवार तथा काठमाडौं निवासी उनकी बहिनी मिना मानन्धरको परिवार समेत भोजन दानमा सरिक भएका थिए । उक्त अवसरमा मुनिबिहारमा रहेका करीब ९० जना भिक्षुहरुलाई भोजन दान गरिएको सावित्रीका कान्छा छोरा राजेशमान मानन्धरले बताए ।
उनीहरु आफै सहभागी भै बिहारको भान्सामा बिभिन्न मिष्ठान्न व्यंजन तयार गरी भोजन दान गरेका थिए । आमा सावित्री मानन्धरको इच्छा बमोजिम भोजन दान गरिएको थियो ।
बुद्ध धर्ममा भोजन दानलाई बिशेष महत्वका साथ् वर्णन गरी यसबाट अत्यन्त पुन्य प्राप्त हुने उल्लेख गरिएको छ । भोजन दानले बाल भिक्षुहरु खुशी भएका थिए भने यस दान कर्मले मानिसको मनलाई शुद्ध बनाउने र धर्मप्रति आस्थावान बनाइराख्ने बिहार ब्यस्थापनले जनाएको छ ।
भोजन दान गर्न पाउदा आफूहरुलाइ ज्यादै आनन्द लागेको मानन्धर परिवारको भनाइ छ ।
