दाेलखा, ५ कात्तिक
दाेलखा, ५ कात्तिकसरकारका प्रवक्तासमेत रहेका सञ्चार तथा सूचना प्रविधिमन्त्री गोकुल बाँस्कोटाले अपराधीले राजनीति गर्ने जमाना गएको बताएका छन् । अपराधमा संलग्नलाई सरकारले कारवाही गर्न शुरु गरेकोले राजनीतिमा अब अपराधीको कुनै स्थान नहुने उनको जिकिर छ ।
मंगलवार रेडियो शैलुङको १२ औँ वार्षिक साधारणसभाको उद्घाटन गर्दै मन्त्री बाँस्कोटाले सरकार राजनीतिबाट अपराध लाई अलग गर्न लागि परेको दावी गरे । सरकार आफ्नो प्रतिवद्धतामा अडिग रहेको भन्दै मन्त्री बास्कोटाले नेपालमा रेल सञ्चालन भएरै छोड्ने बताए ।
उक्त अवसरमा प्रतिनिधिसभाका सांसद एवं नेकपा नेता पार्वत गुरुङले आफूलाई फसाउन पुरानो राजनीतिक मुद्दा ब्युँताउन खोजिएको बताएका थिए भने पूर्वपर्यटनमन्त्री आनन्द पोखरेल, पूर्वराज्यमन्त्री देवी खड्का लगायतले दोलखालाई पर्यटन गन्तब्य बनाउनु पर्नेमा जोड दिएका थिए ।