कोभिड १९ को संक्रमण रोकथाम र नियन्त्रणका लागि भन्दै सरकारले लक डाउनको समय थप गरेको छ । आइतबार बसेको मन्त्रिपरिषद् बैठकले एक साता समय थपेको हो ।

यस अघि सरकारले सोमबार बिहान छ बजेदेखि एक हप्ताको लागि लकडाउन घोषणा गरेको थियो । जुन १८ चैतको बिहान छ बजे सकिदैंछ । लक डाउनको समय सकिन लागे पनि रोगको जोखिम नसकिएकोले समय बढाइएको बताइएको छ । नयाँ समय १८ गते बिहान छ बजे शुरु भई २५ गते बिहान छ बजे सम्मलाई कायम गरिएको छ । यसको औपचारिक घोषणा भने भएको छैन ।

कोरोना रोकथाम तथा नियन्त्रणका लागि उपप्रधान एवं रक्षा मंत्री इश्वर पोखरेलको नेतृत्वमा गठित उच्चस्तरीय समितिले जारी लकडान १४ दिनसम्म थप्न सुझाव दिएको थियो । तर, आइतवारको मन्त्रीपरिषद बैठकले १ साताको समय बढाएको सहभागी एक मन्त्रीले बताए ।