महानगरीय प्रहरी वृत्त, महाराजगञ्जका प्रमुख रहेका डीएसपी उमेशराज लम्साललाई जिम्मेवारीमुक्त गरिएको छ । बिबादित बनेपछि उनलाई महानगरीय प्रहरी कार्यालय रानीपोखरी तानिएको हो ।

लकडाउन उल्लंघन गरेको भन्दै प्रहरीले त्रिवि शिक्षण अस्पतालमा कार्यरत चिकित्सकलाई अभद्र व्यवहार गर्दै कुटपिट नै गरेको घटना सार्वजनिक भएपछि लम्साललाई महानगरीय प्रहरी कार्यालय, रानीपोखरीका तानिएको हो ।

बुधबार साँझ भएको उक्त घटनाबारे छानविनका लागि बिहीबार बिहान एसएसपी किरण बज्राचार्यको नेतृत्वमा एसपी मुकेश सिंह र डीएसपी होविन्द्र बोगटी सदस्य रहेको एक छानवीन समिति समेत गठन गरिसकिएको रानीपोखरीका एसएसपी श्यामलाल ज्ञवालीले जानकारी गराएका छन् ।उनका अनुसार अन्य प्रहरी पनि रानीपोखरी तानिएका छन् ।

हेर्नुस् बिज्ञप्ती

नेपाल चिकित्सक सङ्घले आवासीय चिकित्सक कुट्ने प्रहरीलाई कारबाही गर्न माग गरेको छ ।