भक्तपुरपोस्ट संवाददाता भक्तपुर, ६ असार
भक्तपुर, ६ असारइलामको एक गाउँमा रुखमा झुण्डिएको अवस्थामा देवर भाउजुको शव फेला परेको छ । माङसेबुङ गाँउपालिका–६ का देवर भाइजु रुखको एउटै हाँगामा झुण्डिएको अवस्थामा मृत फेला परेका हुन् ।
माङसेबुङ–६ मावाटोलका २७ वर्षीय युवक र उनको २६ वर्षीया भाउजुको शव फेला परेकेा प्रहरीले जनाएको छ । शुक्रबार एउटै हाँगामा डोरीको पासो लगाएर झुन्डिएको अवस्थामा फेला परेपछि स्थानीयले प्रहरीलाई खबर गरेका थिए ।
इलाका प्रहरी कार्यालय मंगलबारेका प्रहरी निरीक्षक राजकुमार साहको नेतृत्वको टोलीले दुवैजनाको शवलाई पोष्टमार्टमको लागि अस्पताल पुर्याएको छ । पोष्टमार्टमको रिपोर्ट आएपछि अनुसन्धान सहज हुने उनको भनाइ छ ।
