भक्तपुरपोस्ट संवाददाता भक्तपुर, २ भाद्र
भक्तपुर, २ भाद्रप्रेस काउन्सिल नेपालको कार्यवाहक अध्यक्षमा दुर्गा भण्डारी पाैडेललाई नियुक्त गरिएको छ । सोमबार प्रधानमन्त्री निवास बालुवाटारमा बसेको मन्त्रिपरिषद् बैठकले प्रेस काउन्सिलको कार्यवाहक अध्यक्षमा भण्डारीलाई नियुक्त गरेको हो ।
झापा घर भइ पाेखरा कार्य क्षेत्र भएकी भण्डारी काउन्सिलको सदस्य नियुक्त भएको केहि दिनमै अध्यक्षमा नियुक्त हुन सफल भइन् । उनी अधिवक्ताका साथै पत्रकार पनि हुन् । उनी म्यागेजिन र रेडियाेमा आवद्ध छिन् । यसअघि किशोर श्रेष्ठ काउन्सिलको कार्यवाहक अध्यक्ष रहेका थिए ।
त्यसैगरी मन्त्रिपरिषद् बैठकले युवा तथा स्वरोजगार कोषको कार्यकारी उपाध्यक्षमा डा. कल्याण रोकालाई नियुक्त गरेको छ।