भक्तपुर, २४ कात्तिकपूर्व माओवादी पृष्ठभूमिका नेकपाका बाैद्भिक नेता एवं भक्तपुर जिल्ला कमिटीका सचिव डिपी ढकालले जीन्दगीभर प्रधानमन्त्री एवं पार्टी अध्यक्ष केपी शर्मा ओलीको जयजयकार गर्ने जनाएका छन् । नेकपाको बैठकबाट पुरानो पुस्तालाई राजनीतिबाट ससम्मान बहिर्गमन गराउने निर्णय भए जीन्दगीभर अध्यक्ष केपी शर्मा ओलीको जयजयकार गर्ने उनले जनाएका हुन् ।
प्रधानमन्त्री ओलीले नयाँ पुस्तालाई नेतृत्व सुम्पने पर्ने बताइरहँदा नेता ढकालले व्यवहारबाट यसको पक्षमा लाग्न आग्रह गरे । बुढा नेताहरुलाई सरकारी पद प्रधानमन्त्री देखि वडा सदस्य सम्म केही हुन नपाउने नियम पारित गराए आफूहरु जीन्दगीभरी अध्यक्ष ओलीको जय जयकार गरिरहने उनको उद्घोष छ ।
तर, पार्टीलाई नै कोमामा राखेर प्रधानमन्त्री पदमा आसिन रहने प्रवित्तिले अध्यक्ष ओलीको इतिहास सकारात्मक नबन्ने उनले चिन्ता व्यक्त गरेका छन् । प्रधानमन्त्रीले विशेष अधिकारको बहानामा पार्टी निर्देशन र बिधि प्रक्रिया नमान्ने नीति लिन नहुने नेता ढकालले बताएका छन् ।
झलनाथ खनाल प्रधानमन्त्री हुदा एउटा मापदण्ड आफू हुदा अर्को ? उनले प्रश्न गरेका छन् । बैठकबाट भाग्नु समस्याको समाधान नभएको भन्दै नेता ढकालले पार्टी बैठकमै बसेर छलफल, सहमती र सहकार्यबाट पार्टीको साख बचाउनपर्ने र एकतावद्ध भएर अगाडी बढ्नुपर्ने आवस्यकता औल्याएका छन् ।