भक्तपुर, १५ साउन २०७९रिक्त रहेको अर्थमन्त्री पदमा पुनः सिफारिस भएका जनार्दन शर्माले साँझ ५ बजे सपथ लिने भएका छन् । उनलाई राष्ट्रपति विद्यादेवि भण्डारीले शितल निवासमा शपथ गराउने भएको हो ।
आज बिहान प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’बीच प्रधानमन्त्री निवास बालुवाटारमा वार्ता भएसँगै शर्मालाई पुनः अर्थमन्त्री बनाउने सहमति भएको हो । आर्थिक वर्ष २०७९।८० को बजेट निर्माणमा बाहिरी व्यक्ति संलग्न गराएको र उक्त दिनको सीसीटीभी फुटेजसमेत डिलिट गरेको आरोप लागेपछि अर्थमन्त्रीको पदबाट अर्थमन्त्रीले राजीनामा दिएका थिए ।
उनीमाथि छानबिन गर्न बनेको संसदीय विशेष समितिले बजेट निर्माणको क्रममा अर्थ मन्त्रालयमा अनधिकृत व्यक्ति प्रवेश गरेको नदेखिएको प्रतिवेदन गत शुक्रबार बुझाएको थियो । योसँगै पुनः शर्मा नै अर्थमन्त्री बन्ने बाटो खुलेको हो ।
