भक्तपुरपोष्ट संवाददाताभक्तपुर,२६ साउन २०७९
भक्तपुर,२६ साउन २०७९नेपाल पञ्चाङ्ग निर्णायक विकास समितिले यो वर्ष जनैपूर्णिमा र गाईजात्रा पर्व एकैदिन मनाउन आग्रह गरेको छ । यही साउन २७ गते ऋषितर्पणी, रक्षाबन्धन र गाईजात्रा पर्व मनाउन धर्म, संस्कृति र परम्पराअनुकूल रहेको जनाइएको छ । जनैपूर्णिमा र गाईजात्रा एकैदिन परेकाले अनयोल पैदा भएको थियो भने भक्तपुर नगरपालिकाले २६ गते जनैपूर्णिमा मनाउने घोषणा गरेको थियो ।
समितिका अनुसार यो वर्षको जस्तो तिथिहरूको अवस्था वि सं १९९४, २०२४, २०३०, २०३१, २०५५, २०६१ र २०७० सालमा पनि परेको थियो । ती वर्षहरूमा पूर्णिमाकै दिन पर्व मनाइएको थियो ।
समितिले कुनै भ्रममा नपरी साउन २७ गते नै रक्षाबन्धन र गाईजात्रा पर्व मनाउन अनुरोध गरेको छ ।