भक्तपुरपोष्ट संवाददाताभक्तपुर, ५ असोज २०७९
भक्तपुर, ५ असोज २०७९नेपाल समाजवादी पार्टीका अध्यक्ष डा बाबुराम भट्टराईले मौका पाउनासाथ लोकतन्त्रको डुंगालाई सबैले प्वाल पार्ने प्रयास गरेको टिप्पणी गरेका छन् ।
राष्ट्रपति विद्यादेवी भण्डारीले दोस्रो पटक पनि नागरिकता विधेयक प्रमाणीकरण नगरेपछि नेपाल समाजवादी पार्टीका अध्यक्षसमेत रहेका डा बाबुराम भट्टराईले इतिहासमा ढिलो प्राप्त लोकतन्त्रको डुंगालाई सबैले मौका मिल्नासाथ प्वाल पार्नु चिन्ताजनक भएको बताएका हुन् ।
संवैधानिक व्यवस्था अनुसार दोस्रोपटक संसद्का दुवै सदनबाट पारित भएको नागरिकता विधेयक राष्ट्रपतिले मंगलबार राति १२ बजेसम्म विधेयक प्रमाणीकरण गर्नैपर्ने थियो । तर, उनले प्रमाणीकरण नगरेपछि राष्ट्रपति भण्डारीको आलोचना भइरहेको छ ।