भक्तपुरपोष्ट संवाददाताभक्तपुर,६ असोज २०७९
भक्तपुर,६ असोज २०७९काठमाडौंको कपनमा भएको आगलागीमा मृत्यु हुने तीनजनाको पहिचान खुलेको छ।
गएराति बुढानिलकण्ठ नगरपालिका(११ लसुनटारमा भएको आगलागीमा मृत्यु हुने तीनजनाको पहिचान खुलेको काठमाडौं उपत्यका प्रहरी कार्यालयले जनाएको छ। मृत्यु हुनेमा ताप्लेजुङका २७ वर्षीय कासाङ तेन्जी शेर्पा, संखुवासभाका ३२ वर्षीय अशोक राई र काठमाडौं महानगरपालिका–२६ रानीबारीका २५ वर्षीय छेवाङ शेर्पा रहेको काठमाडौं उपत्यका प्रहरी कार्यालयका प्रवक्ता प्रहरी उपरीक्षक सिताराम रिजालले जानकारी दिए।
उनीहरुको शव त्रिवि शिक्षण अस्पतालमा राखिएको छ। आगलागी हुँदा १ जना घाइते भएका छन्। घाइते हुनेमा कपन बस्ने कुशल बुढाथोकी रहेको प्रहरीले जनाएको छ। उनको चुनिखेलस्थित करुणा अस्पतालमा उपचार भइरहेको छ।