मौन अवधी सुरु हुन केही घण्टा मात्र बाँकी रहदा गोरखामा दलहरुले मतदातालाई भेटन घरदैलो अभियानलाई तिव्रता दिएको छ । दलहरुले समुह समुह बनाएर उमेद्वारलाई मतदाता भेटघाट गर्न तिव्रता दिएको हो ।
गोरखा बजारमा बाम–लोकतान्त्रिक गठबन्धन गोरखा क्षेत्र नम्बर १ का उमेद्वारहरुले गोरखा नगरपालिकाको विभन्नि स्थानमा घरदैलो अभियान सञ्चालन गरेका छन् । क्षेत्र नम्बर १ मा पर्ने गोरखा नगरपालिकाको वडा नम्बर ६ स्थित मतदाताहरुले घरघरमा पुगेर आफूलाई मतदान गर्न उमेद्वारहरुले आग्रह गरेका छन् ।
मतदाताहरुको घरदैलोमा पुगेर बाम–लोकतान्त्रिक गठबन्धनका तर्फबाट उमेद्वार रहेका प्रतिनिधिसभाका उमेद्वार राजेन्द्र बजगाई, गोरखा क्षेत्र नम्बर १ प्रदेश सभा (क) का उमेद्वार कृष्ण धिताल सहितको टोली घरदैलो अभियानमा पुगेका हुन् ।
मौन अबधी सुरु हुन केही घण्टा मात्र बाँकी रहेका बेला गठबन्धनले चुनावी घरदैलो अभियानलाई तिव्र पारेका हुन् । गठबन्धनले समुह समुह निर्माण गरी भोट माग्न टोलटोलमा गठबन्धनका नेता कार्यकर्ता परिचालन गरिरहेको छ ।
गठबन्धनले गोरखा क्षेत्र नम्बर २ मा पनि घरैदैलो अभियानालाई तिव्र पारेको नेकपा माओवादी केन्द्रका केन्द्रीय सदस्य हरीराज अधिकारीले जानकारी दिए ।
यस्तै नेकपा एमालेले पनि जिल्लाको दुवै निर्वाचन क्षेत्रमा मतदाता भेटघाट र निर्वाचन अभियानलाई तिव्रता दिएको पार्टी कार्यालयले जानकारी दिएको छ ।
एमालेले गोरखा क्षेत्र नम्बर १ अन्तरर्गत प्रदेशसभा (क) मा पर्ने नाम्जुङ, क्षेत्र नम्बर १ (ख) आरुपोखरी क्षेत्रमा मतदाता भेटघाट र घरदैलो अभियान सञ्चालन गीरहेको जिल्ला सचिव काजीराम रोक्काले जानकारी दिए ।
त्यस्तै गरी, प्रतिनिधिसभा गोरखा क्षेत्र नम्बर २ अन्तरर्गत पर्ने प्रदेशसभा (क) मा पर्ने गोरखा नगरपालिकाको वडा नम्बर १३ र १४ तथा २ को (ख) मा पर्ने सिरानचोक गाउँपालिकाको हर्मी, बयापानी क्षेत्रमा पनि अभियान सञ्चालन गरिरहेको छ ।
आज राती १२ बजेदेखि निर्वाचनको मौन अबधी सुरु हुने भएकाले पनि उमेद्वार सहित राजनीतिक दलहरु मतदाता भेटाघाटलाई तिव्रता दिएको हो ।