भक्तपुरपोस्ट संवाददाता भक्तपुर, ६ मंसिर २०७९
भक्तपुर, ६ मंसिर २०७९ गोरखा सदरमुकामको हरमटारीबाट खोलखोले तर्फ जाँदै गरेको बस दुर्घटना भएको छ । ना ६ ख ८९९८ बस ब्रेक फेल भएर हरमटारी स्थित कृषि बिकास बैंक अगाडी दुर्घटनामा परेको हो ।
बसको अगाडीको ब्रेक फेल भएपछि अगाडी रहेका माईक्रो लगायतलाई क्षति हुन नदिन कृषि बिकास बैंक अगाडीको एक घरमा बसलाई लगेर ठोक्काएको जिल्ला ट्राफिक प्रहरी कार्यालय गोरखाले जनाएको छ ।
सदरमुकामबाट अन्य मुख्य शहर छुट्ने ठाउँ परेकाले बस कुरेर बसी रहेका दुई दर्जनभन्दा बढी यात्रुहरु भागेर ज्यान जोगाएका छन् । दुर्घटनामा २ जना सामान्य घाइते भएका छन् । घटनाको थप अनुसन्धान भइरहेको प्रहरीले जनाएको छ ।