भक्तपुर, १९ मङ्सिर २०७९नेपाल राष्ट्रिय कर्मचारी महासंघले आफ्नो स्थापना दिवसको अवसरमा रक्तदान गर्ने भएको छ । स्थापना दिवसको अवसर पारेर यहि मंसिर २३ गते शुक्रवार महासंघको बबरमहलस्थित कार्यालयमा वृहत् रक्तदान कार्यक्रम गर्ने निर्णय भएको हो ।
महासंघका फ्राक्सन् सह इन्चार्ज मोहनमान स्वाँरको प्रमुख आतिथ्य र अध्यक्ष मणिरत्न श्रेष्ठको अध्यक्षतामा आइतवार बसेको सचिवालयले उक्त निर्णय गरेको सचिवालय सदस्य प्रकाश अवालेले जानकारी गराएका हुन् । वैठकमा सचिवालयका सदस्यहरूले विभिन्न एजेन्डाहरूमाथि आ-आफ्ना धारणा राखेका थिए।
सोही वैठकमा महासंघ स्थापना भएको दिन २४ मंसिरमा देशैभर वृहत् कार्यक्रम गर्ने निर्णय भएको महासंघका अध्यक्ष मणिरत्न श्रेष्ठले जानकारी दिएका छन् । साथै, महासंघ स्थापनाको दिनमा काठमाडौमा एक भव्य कार्यक्रम समेत गर्ने र सो कार्यक्रममा पुर्व प्रधानमन्त्री एवं नेपाल कम्युनिस्ट पार्टी (माओवादी केन्द्र)का अध्यक्ष् पुष्पकमल दाहाल प्रचण्डको प्रमुख आतिथ्यता रहने र विशेष अतिथि नेपाल कम्युनिस्ट पार्टी (माओवादी केन्द्र) का उप महासचिव एवं नेपाल राष्ट्रिय कर्मचारी महासंघका फ्राक्सन् इन्चार्ज पम्फा भुसालको हुने अध्यक्ष मणिरत्न श्रेष्ठले वताए ।
नेपालको कर्मचारी आन्दोलनमा क्रान्तिकारी धार बोकेको यस नेपाल राष्ट्रिय कर्मचारी महासंघको महाधिवेशन पनि आउदो माघ महिनामा नै हुँदैछ । यतिखेर महासंघको महाधिवेशनले कस्तो रणनीति र कार्ययोजना तय गर्छ भन्नेबारे सवैको चासोको विषय बनेको पनि देखिन्छ ।
