भक्तपुर, १० पुस २०७९ सिन्धुपाल्चोकमा भर्याङको सिढीबाट लडेर एक पुरुषको ज्यान गएको छ । झुण्डिएको अवस्थामा रहेको श्रीमतीलाई बचाउन हिडेका ४५ वर्षीय शेरबहादुर श्रेष्ठ माथिल्लो तल्लाबाट एक्कासी तल झर्दा गम्भीर घाइते भएका थिए । श्रेष्ठको उपचारको क्रममा मृत्यु भएको हो ।
बलेफी गाँउपालिका ५ माथिल्लो बजारमा शुक्रबार पौने ९ बजेको समयमा २ तले पक्की घरको भुई तल्लामा रहेको सिलिङ पंखाको फलामको डण्डीमा तन्नाको पासो लगाई झुण्डिएको अवस्थामा श्रीमती देखेपछि एक्कासी तल झर्दा उनी लडेर घाइते भएका थिए । मृतकले अत्याधिक मात्रामा मदिरा सेवन गर्ने गरेको पाइएको प्रहरीले जनाएको छ ।
आत्महत्या प्रयास गर्ने उनकी श्रीमती ४६ वर्षकी केशरी श्रेष्ठको हाल धुलिखेल अस्पतालमा उपचार भइरहेका र अवस्था गम्भीर रहेको जिल्ला प्रहरी कार्यालय सिन्धुपाल्चोकका प्रहरी नायव उपरीक्षक शिव कुमार बुढाथोकीले जानकारी दिएका छन् ।