भक्तपुर, २६ पुस २०७९ प्रतिनिधि सभाको बैठक दिउँसो १ बजेलाई सरेको छ । बिहान ११ बजे बोलाइएको बैठक दुई घण्टा पछि दिउँसो १ बजेलाई सारिएको हो ।
आजको बैठकमा प्रधानमन्त्री पुष्पकमल दाहाल प्रचण्डले विश्वासको मत लिंदैछन् ।
आज बिहान ११ बजे बस्ने भनिएको बैठक दिउँसो १ बजेलाई सारिएको संसद् सचिवालयका प्रवक्ता एकराम गिरीले जानकारी दिए ।
‘दलहरूको आन्तरिक तयारीका कारण बैठक दिउँसो १ बजेलाई सारिएको हो’, उनले भने ।
नेपाली कांग्रेसको बैठक जारी रहेपछि बैठक सारिएको अनुमान छ । पार्टी सभापति शेरबहादुर देउवाको निवास धुम्बाराहीमा कांग्रेस पदाधिकारी बैठक लम्बिएकाले संसदीय दलको बैठकसमेत बस्न सकेको छैन ।
पदाधिकारी बैठकपछि कांग्रेसको संसदीय दलको बैठक बस्दैछ । कांग्रेसले यी बैठकबाट प्रधानमन्त्रीलाई विश्वासको मत दिने नदिने विषयमा औपचारिक निर्णय लिनेछ ।
सत्ता गठबन्धन दलको पनि सामान्य बैठक विश्वासको मत लिनु अगाडी बस्ने तयारी भईरहेको छ । जसकाकारण बैठक दिउँसो १ बजेका लागि सारिएको हो ।
