भक्तपुरपोस्ट संवाददाताभक्तपुर, ८ फागुन २०७९
भक्तपुर, ८ फागुन २०७९ केन्द्रीय साइबर ब्यूरोले बिन्दबासिनी म्युजिक कम्पनीका सञ्चालक सुवास रेग्मीलाई त्रिभुवन अन्तर्राष्ट्रिय विमानस्थलबाट पक्राउ गरेको छ । थाईल्याण्डबाट नेपाल आउँदै गरेका रेग्मीलाई साइबर अपराधको आरोपमा विमानस्थलबाटै पक्राउ गरिएको हो ।
पक्राउ परेका रेग्मीकाे आजै अदालतमा म्याद थप गरिनेछ । गायक प्रमोद खरेलसहित ४ जना कलाकारले उजुरी दिएपछि उनलाई पक्राउ गरिएको बुझिएको छ ।
रेग्मीले सामाजिक सञ्जालमामार्फत् विभिन्न कलाकारहरुविरुद्ध अपशब्द प्रयोग गरेको तथा लाञ्छना लगाउने गरेको आरोपमा साइबर ब्युरोमा केही दिन अघि उजुरी परेको थियो । सोही उजुरीको आधारमा उनलाई पक्राउ गरिएको बुझिन आएको छ ।