![](https://bhaktapurpost.com/wp-content/themes/onlineparda/images/1px.gif)
नेपाली कांग्रेस र नेकपा माओवादी केन्द्रसहितका ९ दलले संयुक्त प्रेस बिज्ञप्ति जारी गरेका छन् । संक्रमणकालीन न्यायका बाँकी काम अबिलम्ब पूरा गर्ने प्रतिबद्धता सहित प्रेस बिज्ञप्ति प्रकाशित गरिएको हो ।
प्रधानमन्त्री निवास बालुवाटारमा आइतवार साझ बसेको ९ दलको बैठकले शान्ति सम्झौता र संविधानको भावना अनुसार नै शान्ति प्रक्रियाको बाँकी काम पूरा गर्नुपर्नेमा जोड दिदै भनेका छन् ‘द्वन्द्वकालीन घटनाबाट पीडित नागरिक एवम् उनका परिवारलाई न्याय दिन आवश्यक विधेयक सम्मानित सर्वोच्च अदालतको फैसला बमोजिम कानून बन्ने गरी संसदको यसै अधिवेशनबाट पूरा गरिने छ ।’
कानून निर्माणका साथै सत्य निरुपण तथा मेलमिलाप आयोग र वेपत्ता पारिएका व्यक्तिको छानबिन सम्बन्धी आयोग गठन गरिने भन्दै ९ दलले देशकै महत्वपूर्ण एजेण्डाका रुपमा रहेको सबैको साझा विषयलाई उचित निष्कर्षमा पु¥याउन सबैको सकरात्मक भूमिका र सहयोग आवश्यक रहेको पनि बिज्ञप्तिमा बताइएको छ ।